Os desfiles, de Cervo, San Cibrao e San Román, son os pratos fortes nunha semana chea de actividades
Cervo, 14 de Febreiro de 2025. O Concello de Cervo xa ten todo a punto para celebrar un entroido por todo o alto, con actividades e festa para todos os públicos que xirarán en torno aos tres desfiles que se celebrarán en Cervo, en San Cibrao e en San Román de Vilaestrofe.
A alcaldesa, Dolores García Caramés e a concelleira Mali Méndez, presentaron a programación xunto cos representantes das Asociacións Airiños do Xunco, a asociación Mulleres Rurais As Espalladoras colectivos, estes últimos que se encargan da organización dos entroidos de Cervo e de San Román, respectivamente, e tamén de membros da A.C. Comisión de Festas de Lieiro, que se encargará da venta de bolos preñados, sobremesas e pastelón no Entroido de San Cibrao, na Praza dos Campos e da asociación de veciños de San Román de Vilaestrofe e da comunidade de Montes Veciñais, que colaboran no entroido de San Román.
Os actos de Entroido comezarán o domingo 2 de marzo en Cervo co desfile que partirá do CEIP de Cervo ás 18:00 horas ata a carpa instalada na Praza do Souto, amenizado pola Charanga Os Macanudos. Para máis información e para inscribirse no desfile os/as interesados/as poden chamar aos teléfonos 617 31 32 07 (Rafa) ou 629 95 17 61 (Raquel). O mesmo día do desfile tamén inscribirán unha hora antes de que dea comezo.
Haberá premios aos mellores disfraces individuais, parellas, grupos e comparsas, que recibirán figuras de cerámica de Sargadelos e cestas con produtos típicos de Entroido; a continuación Dj Conxuro, poñerá os acordes á festa.
As comparsas, que deberán estar integradas por máis de 8 persoas, e que se anoten antes do sábado 1 de marzo, recibirán unha cesta de produtos típicos de entroido.
O martes 4 terá lugar o desfile de Entroido de San Cibrao a partir das 18H con saída da carpa instalada na Praza dos Campos e amenizado pola charanga Os Macanudos. Haberá 2.280€ en premios aos mellores disfraces e comparsas. Ao remate do desfile amenizará Dj Tapy García.
Ademais, a AC Comisión de Festas de Lieiro terá un posto de venta na carpa instalado na Praza dos Campos de chocolate con sobremesas, pastelón, e bolos preñados.
As persoas interesadas en participar no desfile poderán anotarse na Casa da Cultura de San Cibrao, en horario de mañá desde o próximo luns, 17 de febreiro, e ata o martes 4 de marzo incluído; e recibirán vales de consumición nos establecementos hostaleiros locais e bolos preñados, aqueles que se anoten antes do 1 de marzo.
Aceptaranse inscricións ata unha hora antes do inicio do desfile, na Praza dos Campos, pero sen dereito a vales. Os participantes que desexen anotarse a partir das 17:30 horas do día do Desfile quedarán excluídos do concurso, pero poderán participar igualmente na marcha. Os premios entregaranse na Praza dos Campos ás 21:30 horas; e todos os/as gañadores/as terán que recollelo co disfrace posto.
O sábado 8 péchase a semana de Entroido no Concello de Cervo co Desfile de Entroido de San Román organizado pola Asociación Mulleres Rurais As Espalladoras, coa colaboración do Concello de Cervo, a asociación de veciños de San Román de Vilaestrofe e a asociación de montes veciñais. Será a partir das 22:00H no Pavillón de San Román de Vilaestrofe e estará amenizado polo Grupo La Bamba e discomóbil Conxuro. Para formalizar a inscrición teñen habilitado o teléfono 656 272 802.
O Concello de Cervo convida a veciños e visitantes a desfrutar de cada unha das citas que se propoñen para estas datas, nunhas festas das máis alegres e coloridas do calendario.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
