Os senadores reuníronse en Navia de Suarna con alcaldes, portavoces e concelleiros dos sete concellos lucenses bañados polo río, a deputada autonómica Encarna Amigo e o portavoz do PP na Deputación de Lugo, Antonio Ameijide
Lugo, 17 de febreiro de 2025. Os senadores do PP lucense José Manuel Barreiro, José Manuel Balseiro e Juan Serrano interesaranse na Cámara Alta polas previsións do Goberno de Sánchez para executar e incorporar a Gran Senda do Navia no programa nacional de Caminos Naturales.
Os representantes populares no Senado pola provincia de Lugo deron a coñecer esta iniciativa xunto aos senadores do Partido Popular por Asturias Pablo González e José Manuel Rodríguez ‘Lito’ nunha xuntanza en Navia de Suarna con alcaldes, portavoces e concelleiros dos concellos lucenses bañados polo río Navia, a deputada autonómica Encarna Amigo e o portavoz do PP na Deputación de Lugo, Antonio Ameijide, que consideran positivo o proxecto “para un importante número de municipios, un elemento vertebrador da zona e dinamizador dende o punto de vista cultura, socioeconómico e turístico”, segundo explicou Barreiro.
Concretamente, os senadores queren que o Executivo se posicione e aclare se apoia o proxecto, ademais de esixirlle explicacións sobre os motivos polos que non fixo nada ata agora.
José Manuel Barreiro apuntou que “nós o que queremos é que se impulse este proxecto” que precisaría “non só o impulso económico; senón o seu recoñecemento”. Pablo González engadiu que “iniciativas que nacen de la gente, del pueblo, con características positivas merecen la pena ayudar”. E destacou que sexa unha proposta “para fijar población y crear empleo” polo que anima a unirse entre todos para “eliminar el obstáculo final y se lleve a la práctica porque es una fuente de riqueza”.
Encarna Amigo, que destacou a beleza dos municipios da Montaña e avanzou que tamén se debaterá sobre este proxecto no Parlamento de Galicia, defendeu a Gran Senda do Navia como unha alternativa ao despoboamento: “o turismo permite que moitas familias se asenten no rural”.
Diversas institucións promotoras da sociedade civil, grupos de sendeiristas da provincia de Lugo e do occidente asturiano presentaran a comezos do 2018 ante o Ministerio de Agricultura, Alimentación e Medio Ambiente o proxecto para executar unha gran senda peonil e cicloturista de 428 km ás marxes do río Navia dende o seu nacemento á súa desembocadura pasando por sete municipios lucenses -Negueira de Muñiz, A Fonsagrada, Navia de Suarna, Cervantes, Becerreá, As Nogais e Pedrafita do Cebreiro- e nove de Asturias -Allande, Boal, Coaña, Grandas, Ibias, Illano, Navia, Pesoz e Villayón-. Tamén teñen manifestado o seu apoio ao proxecto a Deputación de Lugo e o Goberno do Principado de Asturias.
“Dende aquela pasaron sete anos e o Goberno de Sánchez non fixo nada. Así, ante a pasividade do Goberno de España neste tempo”, os populares volverán a “reivindicar o apoio a esta iniciativa” que podería constituír un importante revulsivo para o desenvolvemento económico e social da comarca da Montaña e a zona do Val do Navia poñendo en valor o importante patrimonio natural, cultural e etnográfico. Ademais, esta senda conectaría tres das rutas oficiais do Camiño de Santiago: o Camiño Francés, o Camiño Primitivo e o Camiño Norte.
OBRA DE INTERESE XERAL
Por tratarse dun proxecto intercomunitario e para o desenvolvemento un territorio deprimido e afectado polo despoboamento, a Gran Senda do Navia aspiraba á máxima puntuación para conseguir financiamento a través do programa Caminos Naturales; pero para o seu impulso é preciso contar coa declaración de obra de interese xeral.
Esa declaración e a inclusión do proxecto da Gran Senda do Navia no programa de Caminos Naturales do Ministerio de Agricultura, Pesca y Alimentación foi reclamado ao Goberno de España trala aprobación no Congreso dos Deputados en abril do 2022 dunha Proposición Non de Ley do Partido Popular.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
