O conselleiro felicita a Basilio Otero, reelixido por 3º mandato consecutivo presidente da FNCP, e pon en valor a súa xestión que permitiu devolver ás Confrarías españolas a visibilidade e a forza da que carecían ata 2017
Ribadeo, 30 de marzo de 2025. O conselleiro do Mar, Alfonso Villares, participou este domingo nas Xornadas Gastronómicas do Peixe Espada, organizadas pola Asociación de Comerciantes, IndustriaIs, Servizos e Autónomos (Acisa) de Ribadeo, en colaboración coa Organización de Produtores Pesqueiros Porto de Burela, e nas que participaron os 15 locais hostaleiros asociados, ofrecendo tapas e pratos preparados con este peixe capturado polos barcos do porto burelense.
En total, nesta quinta edición, que deu comezo o pasado venres, repartíronse 75 quilos deste produto. O obxectivo, concienciar á poboación da importancia de consumir peixe tanto para a saúde como para o impulso económico do sector.
No que vai de ano, vendéronse en Galicia máis de 4 millóns de quilos de peixe espada -tanxo conxelado como fresco-, alcanzando un valor no mercado de máis de 20,5 millóns de euros. Nas lonxas, en 2024, comercializáronse preto de 1,2 millóns de quilos, por valor de máis de 7,7 millóns de euros, destacando por esta orde, Vigo, Ribeira, A Coruña, Camariñas, Burela, Celeiro, Cedeira, Muros, Corcubión, Marín, Fisterra, Laxe e Cambados. Na comunidade, máis de 150 buques adícanse á pesca desta especie.
Felicitacións a Basilio Otero
No transcurso do encontro, o máximo responsable de Mar, aproveitou a ocasión para felicitar ao patrón do pósito burelés que, a partires deste domingo, asume por terceiro mandato consecutivo a presidencia da Federación Nacional de Confrarías de Pescadores (FNCP).
Alfonso Villares puxo en valor a xestión de Otero, pois non só foi capaz de reverter a crítica situación económica que atravesaba este órgano, senón que, dende que chegou á súa presidencia en 2017, as Confrarías españolas non só gañaron en visibilidade, senón que recobraron a forza perdida; unha etapa que o propio responsable de Mar cualificou de rotundo éxito e que agarda que así siga sendo no vindeiros catro anos.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
