O goberno na Deputación de Lugo repetiu o último venres a súa política de “reparto a porta pechada de convenios a dedo” con Concellos gobernados por PSOE e BNG
Lugo, 31 de marzo de 2025. O portavoz do Grupo Provincial Popular na Deputación de Lugo, Antonio Ameijide, apunta unha vez máis a xestión “sectaria” do goberno de PSOE e BNG.
“Non é ningunha novidade que o goberno provincial reparte cada venres no seu buffet libre convenios a dedo para concellos da súa mesma cor política”. Pero, nesta ocasión, é aínda “máis censurable” porque “na mesma semana néganse a incrementar o Plan Deputación para beneficiar á totalidade dos concellos e veciños da provincia, pero despois aproban a porta pechada convenios con Concellos da súa mesma cor política para financiar actuacións que os Concellos podían incluír no Plan Deputación”.
É dicir, os Concellos afíns vén incrementada a súa parte do Plan Deputación pola porta de atrás, mentres que o resto de Concellos se teñen que conformar co Plan Deputación que perdeu poder adquisitivo e sen posibilidade de obter máis financiamento para obras ou servizos aos seus veciños e veciñas”.
“Un venres máis, nunha xunta de goberno a porta pechada, o goberno de PSOE e BNG escenificaron o buffet libre que teñen os concellos gobernados por PSOE e BNG mentres que a outra metade dos concellos da provincia se manteñen a dieta” porque “o Plan Deputación, o único mecanismo obxectivo de reparto de fondos da Deputación entre tódolos Concellos da provincia- perde poder adquisitivo cada ano”, explica Ameijide.
O portavoz popular censura que “mentres unha parte da provincia pode comer a dous carrillos, o resto só pode mirar sufrindo os problemas da falta de colaboración e financiamento por parte da Deputación de Lugo que cada vez ten máis recursos económicos -o orzamento increméntase coa suba dos impostos e o incremento do que percibe dos tributos do Estado-, pero cada vez tamén fai un uso más sectario dos mesmos gardando a parte máis grande do pastel para os seus”.
O último exemplo é a sinatura do enésimo convenio para a contratación de persoal para un concello afín ao bipartito provincial, destino ou partidas que poderían ser financiadas co Plan Deputación, pero PSOE e BNG deciden darlles aos seus afín fondos a maiores para que non teñan que empregar as partidas do plan de cooperación provincial, facendo todo o posible dende o bigoberno para xerar unha provincial de distintos dereitos
De feito, o pasado martes aprobaban en Pleno unha transferencia de 7,2 millóns de euros e o venres xa estaba repartindo parte dese diñeiro en convenios con Concellos gobernados por PSOE e BNG. O goberno de socialistas e nacionalistas está a facer un uso claramente sectario dos recursos da Deputación de Lugo discriminando aos veciños e veciñas da metade dos concellos da provincia.
PSOE E BNG DIN NON A UN REPARTO XUSTO
PSOE e BNG negáronse no Pleno do pasado martes a aceptar a proposta do Grupo do Partido Popular para incrementar neses 7,2M€ o Plan Deputación neste ano 2025. “Desta forma superaríanse progresivamente os 30M€, unha reivindicación que levamos moito tempo defendendo, para repartir de forma obxectiva entre tódolos Concellos da provincia para poder acometer obras e realizar outras accións en beneficio de tódolos veciños e veciñas da provincia sen ningún tipo de distinción”, conclúe Antonio Ameijide.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
