Montse Prado censura a falta de planificación e critica que Sanidade volva botar man de profesionais en formación para cubrir a falta de médicos durante o verán
Santiago de Compostela, 31de marzo de 2025. A deputada do BNG Montse Prado chamou á mobilización da sociedade galega ante a “situación inaceptable” na que se encontra a sanidade pública, que , segundo indicou, empeora día a día debido á xestión dun PP na Xunta que “leva anos aproveitando cada crise para acelerar o seu deterioro.
Os atrasos nos diagnósticos, as listas de espera interminables, un persoal sanitario ao límite e o desmantelamento da Atención Primaria estanlle afectando gravemente ao dereito da atención sanitaria, que, asegurou, “non está garantido”, tendo consecuencias máis graves para os colectivos máis vulnerables, como as persoas con enfermidades crónicas ou con problemas de saúde mental, xente maior ou as mulleres.
Prado denunciou a parálise do goberno do PP, un ano despois de comezar a lexislatura, afeando que “nin o conselleiro nin o presidente da Xunta saíron da fase de anuncios”. Referiuse así ás “promesas incumpridas”, como o plan de recursos humanos, a presenza de psicólogos clínicos en atención Primaria ou o novo modelo de atención sanitaria, que, segundo dixo, seguen sen materializarse. “Non é aceptable o mantra permanente de que non hai profesionais facultativos nin de enfermería”, afirmou, sinalando categorías como nutricionistas, psicólogos clínicos ou terapeutas que, habendo persoal, non se contrata.
A portavoz nacionalista de Sanidade reiterou que o PP “é letal para a sanidade pública galega” e que todas as súas políticas durante os últimos 16 anos tiveron como obxectivo o deterioro do sistema, a súa privatización e a perda de calidade na atención mentres se incrementa a conta de resultados da privada. “Cada persoa en lista de espera, cada centro de saúde con falta de médicos ou cada crianza sen atención pediátrica é nicho de negocio para a privada”, exemplificou.
Sostivo que a falta de profesionais non se resolve simplemente cunha maior oferta de contratos precarios ou coa contratación de MIR, e insistiu na necesidade de mellorar as condicións laborais e abordar a sobrecarga asistencial para que o persoal do Sergas non acabe marchando fóra ou á sanidade privada. Rexeitou ademais que o PP “queira converter unha medida provisional e excepcional en permanente”, referíndose á contratación de MIR, profesionais en formación e que precisan supervisión, para cubrir a falta de médicos no verán.
Montse Prado mencionou exemplos concretos de deficiencias no sistema sanitario, como o feito de que 360.000 persoas se atopen en listas de espera hospitalarias, e denunciou casos como os de Moaña, Foz ou Vilagarcía, onde os servizos de urxencia ou atención pediátrica están colapsados ou directamente non se prestan. Así mesmo, criticou a situación do Hospital da Mariña, onde os servizos de medicina interna están desmantelados e os pacientes son derivadas ao HULA en Lugo.
A responsable do BNG tamén aproveitou para comentar a preocupante situación de infraestruturas sanitarias como o Hospital Materno Infantil de Ourense, no que este sábado caeu parte do teito e polo que pediu a comparecencia do conselleiro de Sanidade no Parlamento; ou a UCI do Chuo, que a pesar dun investimento de 10 millóns de euros, conta con só 20 camas, insuficientes para toda a provincia.
Chamamento á mobilización e propostas urxentes
Como resposta a esta situación, Montse Prado quixo facer un chamamento á mobilización convocada por SOS Sanidade Pública para este domingo porque “é urxente que o PP rectifique”, deixe de drenar recursos á privada e “se esforce en solucionar o problema e non en que asumamos como normal unha situación inaceptable”, recalcou.
Neste senso, as demandas do BNG van encamiñadas a elaborar con urxencia e cos orzamentos precisos, un plan de ordenación de Recursos Humanos para identificar as necesidades de persoal en cada colectivo; poñer en marcha un modelo de atención primaria, coa incorporación á carteira de Servizos de categorías imprescindibles para prestar unha atención integral e descolapsar as listas de espera —persoal de psicoloxía, terapeutas ocupacionais, logopedas, traballadoras sociais, podólogos ou ópticos-optometristas— e, por último, a posta en marcha dun plan de choque para rematar coas listas de espera.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
