Cun investimento de máis de 217.000 euros, a actuación transformará esta rúa céntrica para convertela nun espazo máis accesible, seguro e atractivo para a veciñanza
Burela, 29 de agosto de 2025. O Concello de Burela iniciará o vindeiro 1 de setembro as obras de humanización da rúa Curros Enríquez, no treito comprendido entre as rúas Castelao e Rosalía de Castro. O proxecto suporá un investimento de 217.129,42 euros, financiados a través do Plan Único da Deputación de Lugo, e terá unha duración estimada de tres meses.
A intervención desenvolverase en dúas fases: a primeira, entre Manuel Murguía e Pardo Bazán; e a segunda, entre Pardo Bazán e Rosalía de Castro. Durante estes traballos, a circulación de vehículos nesta rúa quedará restrinxida temporalmente, seguindo as indicacións da Policía Local.
O proxecto contempla así unha transformación integral da vía, incluíndo a creación dunha plataforma única sen beirarrúas para mellorar a accesibilidade, a ampliación de aceras actualmente moi limitadas, a renovación do pavimento con combinación de formigón abuxardado e zonas adoquinadas, a instalación de árbores, bancos e xardineiras, así como a modernización do alumeado público.
“Son unhas obras moi necesarias para avanzar na humanización do centro de Burela. É certo que van causar certas molestias no tráfico, pero o resultado será unha rúa máis accesible, cómoda e atractiva, pensada para as persoas”, destacou o concelleiro de Obras, Ramiro Fernández.
Pola súa parte, a alcaldesa de Burela, Carmela López, subliñou que o Concello traballa xa para garantir alternativas de estacionamento durante a execución dos traballos:
“Humanizar significa tamén gañar espazo para a cidadanía, e iso require reorganizar prazas de aparcamento. Sabemos o importante que é contar con alternativas, polo que desde o Concello estamos a ultimar convenios para habilitar novas zonas próximas”, aseguraou a López.
Con esta actuación, o goberno local dá un paso máis na súa estratexia de humanización do centro urbano, “seguimos a liña de melloras realizadas en vías como Rosalía de Castro, co obxectivo de crear un espazo máis habitable, seguro e pensado para convivir, pasear e gozar dunha Burela mellor”; concluíu Fernández.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
