A conselleira do Medio Rural visitou hoxe en Lourenzá Fabas Alma do Val, produtora e comercializadora do feixón amparado por esta Indicación Xeográfica Protexida (IXP)
Lourenzá, 11 de agosto de 2025. A conselleira do Medio Rural, María José Gómez, reafirmou hoxe o apoio decidido da Xunta á Faba de Lourenzá como produto agroalimentario galego de calidade diferenciada. Nunha visita a Fabas Alma do Val, produtora e comercializadora do feixón amparado por esta Indicación Xeográfica Protexida (IXP), a titular de Medio Rural reiterou tamén o compromiso do seu departamento cos fabeiros, que se materializa a través de axudas específicas -xa pagadas- e tamén mediante diferentes medidas complementarias nos eidos da formación, a investigación, a transformación e a comercialización do produto.
Nesta liña, Gómez, que estivo acompañada polo director da Axencia Galega da Calidade Alimentaria, Martín Alemparte, puxo en valor as achegas aos produtores da IXP, que se convocaron este ano por primeira vez e que veñen de percibir un total de 18 fabeiros, todos os inscritos no Consello Regulador que cumprían os requisitos da convocatoria. En conxunto, percibiron 68.000 euros e a resolución publicarase no DOG este mesmo mércores.
A conselleira explicou que estas axudas enmárcanse nun contexto complexo para o sector, marcado polas malas colleitas dos anos 2023 e 2024, que obrigaron a desbotar unha parte importante da produción a causa das condicións climáticas adversas. Así, lembrou, as choivas intensas da primavera de 2024 provocaron graves ataques fúnxicos que afectaron severamente á colleita, cunha porcentaxe de produto apto para a IXP moito menor que en anos anteriores.
Actuacións complementarias
Por estes motivos, o Goberno galego está impulsando diferentes actuacións que complementan as devanditas axudas. Entre elas, cómpre salientar as liñas de traballo no terreo da investigación, a través do Centro de Investigacións Agrarias de Mabegondo (CIAM). Estes labores céntranse en analizar a eficacia dos actuais tratamentos fitosanitarios á procura de novas opcións para abordar a incidencia dos fungos ante o cambio climático. Trátase de promover a incorporación de prácticas agronómicas na produción de faba, tales como a rotación de cultivos, os marcos de plantación ou a eliminación da virose na semente.
Tamén se está actuando para fomentar a transformación e comercialización da Faba de Lourenzá e para impulsar a incorporación de produtores á IXP. Ademais, hai que lembrar a posta en marcha da rede de espazos de especialización e innovación agraria nos diferentes centros de formación dependentes da Consellería, cun especial papel protagonista para o Pedro Murias de Ribadeo. Así, este centro será pioneiro nesta iniciativa cun curso específico que se impartirá no vindeiro mes de setembro, precisamente sobre a elaboración de hummus con Faba de Lourenzá.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
