Nicole Grueira pon como exemplo, acompañada do portavoz do PP de Meira, Óscar Fernández, a rehabilitación integral do CEIP Poeta Avelino Díaz por preto de 900.000 euros
Meira, 11 de agosto de 2025. A deputada lucense do Grupo Popular no Parlamento de Galicia e presidenta de NNXX de Galicia, Nicole Grueira, subliña que “a Xunta de Galicia mantén un firme compromiso coa educación e coa mocidade” á vista dos importantes investimentos realizados en distintos centros educativos da provincia.
A través da Consellería de Educación, Ciencia, Universidades e Formación Profesional, o Goberno galego inviste máis de 7,8M€ en 60 obras de mellora en máis de medio cento de centros de ensino da provincia de Lugo.
Nicole Grueira, xunto ao portavoz do PP de Meira, Óscar Fernández, pon como exemplo a rehabilitación integral do CEIP Plurilingüe Poeta Avelino Díaz no que a Xusta inviste preto de 900.000 euros. A Consellería está a executar grandes obras noutros 12 centros por valor de máis de 7,1M€, tres deles na comarca da Terra Chá: o CEIP Terra Chá (Vilalba), o CEIP Veleiro Docampo e o IES José Trapero Pardo (Castro de Rei).
Dentro do plan Ben_Estar na Escola 2025, a Xunta impulsa outras 47 actuacións durante este verán cun investimento de máis de 700.000 euros. Son un total de nove os centros de ensino das comarcas da Terra Chá e Meira nos que se están a levar a cabo actuacións: o CEIP Aquilino Iglesia Alvariño (Abadín), o CEIP Plurilingüe Lagostelle, o CEIP Plurilingüe Santo Estevo de Parga e o IES Poeta Díaz Castro (Guitiriz), o CEIP O Salvador (A Pastoriza), o CEIP Plurilingüe Rosalía de Castro (Pol), o CEIP Manuel Mato Vizoso, o CEIP Monseivane e a Escola de Educación Infantil (Vilalba) e o CEIP Plurilingüe de Xermade (Xermade).
A popular subliña que “grazas a estes traballos de mellora, os nenos e nenas contarán no vindeiro curso 2025/2026 con instalacións renovadas e adaptadas ás súas necesidades”.
GALICIA PIONEIRA
Grueira destaca tamén que “Galicia é pioneira na educación gratuíta dende o berce ata a universidade, garantindo así a igualdade de oportunidades e o acceso á formación para toda a xuventude por igual”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
