A directora de Desenvolvemento Pesqueiro visita as instalacións do Centro de Investigación Mariñas de Galicia, dependente da Consellería do Mar, en Ribadeo para analizar o traballo que se vén realizando e estudar novas actuacións
Ribadeo, 11 de setembro de 2025. O Centro de Cultivo Mariños do Centro de Investigacións Mariñas de Galicia (CIMA), en Ribadeo, prepara a entrega de novos lotes de semente para as vindeiras semanas. Así o confirmou a directora xeral de Desenvolvemento Pesqueiro, Ángeles V. Suárez, que realizou a súa primeira visita a estas instalacións desde a súa chegada a este departamento. Acompañada polo director do CIMA, Carlos Gabín, e a responsable da planta, Justa Ojea, percorreu o centro onde puido coñecer de preto o traballo que se vén realizando así como analizar futuras actuacións.
As previsións son que nas vindeiras semanas sexa entregado un lote de 100.000 unidades de ameixa babosa para o seu preengorde nas instalacións da confraría da Illa de Arousa. Tamén está prevista outra entrega de 117.000 unidades de ostra plana no marco do proxecto Ostreares. Unha iniciativa enmarcada na rede de colaboración entre os centros de investigación mariña autonómicos e o sector pesqueiro, Redemar, que ten como obxectivo a restauración de los bancos naturais de ostra plana en la enseada de San Simón, na ría de Vigo, e na que colabora a Federación de Confrarías de Pescadores de Pontevedra.
Ángeles V. Suárez puxo en valor o traballo e experiencia dos técnicos deste centro autonómico que desempeñan un papel fundamental á hora de proveer ás entidades sectoriais de semente de especies marisqueiras para o desenvolvemento de accións de rexeneración das zonas produtivas. Así, resaltou as súas instalacións punteiras que, grazas á utilización de enerxías renovables, non depende de combustibles fósiles, non ten pegada de carbono. Un feito que exemplifica o compromiso do Goberno galego pola sostibilidade dun sector estratéxico para Galicia.
A directora xeral subliñou que a comunidade conta con centros referentes no ámbito da investigación mariña e resaltou o seu papel e contribución á competitividade e sustentabilidade da actividade pesqueira e marisqueira da comunidade. Un modelo de colaboración e traballo conxunto que resulta fundamental para reforzar o liderado internacional de Galicia no ámbito pesqueiro.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
