Leo unha nova dos últimos dias que leva un titular inocente: “China fíxase como prioridade para a próxima década acadar a autosuficiencia tecnolóxica”. O certo e que o titulo podería estar asi mesmo en calquera xornal, como nova que se desprende do ultimo Comité Central do Partido Comunista Chino, que fixou un novo plan quinquenal.
En contraposición, aquí podemos retomar o tristemente célebre ‘que inventen eles’ do Unamuno de hai case 120 anos. Volvín a esa frase despois de ver o título citado, para lembrar o seu contexto. E lembrei, que Unamuno, no medio dunha discusión con Ortega y Gasset, alegou que ‘nós’ (é dicir, ‘o pobo español’) tiñamos outras virtudes que non lle teñen que envexar á inventiva que amosaban diversos países europeos que non deixaban de comernos algunha sorte de espazo vital, non tantos anos despois da perda das colonias de Cuba e Filipinas. Ou sexa, non é que Unamuno estivera desprezando a investigación e innovación europea do momento, senón que non consideraba o ‘pobo español’ como inferior por non dar moito froito neses vectores de avance cara ó futuro.
Pero, quedarmonos co título da nova ou co dito de Unamuno, non é máis que un xeito de dar por rematado unha discusión antes de comezar a discutir, sen ir máis ó fondo. O certo é que, por moito que o titular sinale un futuro de autosuficiencia china ou un pasado de certo orgullo e inconsciencia española, o mundo e os tempos aumentaron en complexidade. E digo isto porque por unha beira, o ano de comezo da discusión entre Unamuno e Ortega, Ramón y Cajal foi Premio Nobel de Medicina. E, pola outra, as últimas promocións de enxeñeiros chinos son máis numerosas que as promocións correspondentes do conxunto do resto da humanidade, mentres China lidera xa o número de novas patentes en diversos campos, dende a telefonía 5G ás baterías eléctricas, e está mellor situada que occidente en moitos campos da tecnoloxía. Hai varias décadas, un produto tecnolóxico alemán considerábase por defecto, o mellor, mentres que os produtos que viñan da China, tamén por defecto, eran vistos como malas copias. Iso cambiou. E, se ben a tecnoloxía alemá aínda non perdeu de todo a súa áurea, os produtos chinos compiten en xeral en igualdade de calidade e con prezo favorable e acaparan cada vez unha parte maior das innovacións.
Sábese que durante moito tempo a China estivo tecnoloxicamente máis avanzada que Europa (daquela, América aínda non era América), chegando de aló da pólvora ó papel, pasando polo compás magnético, a cerámica ou a seda. A máis de chegar dende alí as célebres laranxas da China ou as Camelias compartidas co Xapón. É dicir, a pesar da imaxe que puideramos ter dos chinos hai uns anos, historicamente non é nada novo que lideren boa parte das novidades tecnolóxicas, e non nos debera de coller de sorpresa. Iso si que pode ser novo: a nosa sorpresa desconcertada e pasiva.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
