Ribadeo, 19 de novembro de 2025. A Banda Municipal de Música de Ribadeo dedicará á música de cine o tradicional concerto de Santa Cecilia, que ofrecerá o día 22 de novembro, sábado, ás 20:30 horas no auditorio municipal Hernán Naval.
O director da Banda ribadense, David Ballester Martínez, anuncia que “despois dos meses de setembro e outubro con varias actuacións -en Vidal, en Barreiros, en Arante e en Narón- chega novembro, mes no que sempre facemos o concerto de Santa Cecilia, que é a patroa dos músicos. E este ano trasladamos a ese día, o 22 de novembro, o concerto de música de cine que facíamos habitualmente en agosto”.
David Ballester destaca que nesa actuación “todas as obras, a excepción dunha, van ser tocadas por primeira vez, o que creo que demostra un estado de saúde moi bo da Banda Municipal de Música de Ribadeo. E vai ser un repertorio moi variado: desde películas de animación, outras un pouco máis de acción, de distintas épocas, que podemos disfrutar todos, tanto nenos como pais e avós”.
O director da Banda de Ribadeo remata convidando “a toda a xente a que se achegue o sábado 22 de novembro ás oito e media da tarde ao auditorio Hernán Naval para disfrutar desa conxunción da música coa proxección de imaxes das películas das que imos tocar as súas bandas sonoras”.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
