Foz, 13 de novembro de 2025. Este sábado, día 15 de novembro, Foz acollerá a VI Velada de Kickboxing Arenka Fight Night, que se celebrará no pavillón Torques, de Marzán, e o VI Cross Os Castros, que terá lugar en Cangas.
Ás 19:30 horas abriranse as portas do pavillón Torques, de Marzán, para unha tarde noite onde o deporte de contacto reinará unha vez máis da man do club Foz Contact Ari. Esta será a sexta edición desta proba, pero “sen dúbida será a máis especial porque se loitará por un título nacional”, anuncia o concelleiro de Deportes en Foz, Ángel Fernández Neira, que engade: “contaremos con participantes galegos e portugueses en categorías de lowkick, un campionato neoprofesional e o prato forte da noite, o Campionato de España Profesional entre Lía Murcia e a focega Vanessa Ares. Agardamos contar cun pavillón entregado alentando á referente desde deporte nas nosas terras para que consiga que o cinturón de campioa nacional profesional”.
As entradas poderán adquirirse o mesmo día no pavillón Torques de Marzán, ou anticipadamente na Casa da Xuventude. O venres será a pesaxe ás 18:30 horas na cafetería Namarinos a porta aberta e poderanse adquirir entradas alí tamén.
Este evento foi presentado polo alcalde de Foz, Fran Cajoto; o concelleiro de Deportes, Ángel Fernández; e Vanesa Ares, do club Foz Contact Ari.
E o VI Cross Os Castros terá lugar a partir das 10:00 horas sobre un circuíto de 300 metros para pícaros, 600 metros para benxamíns, 1.000 metros para alevíns, 1.600 metros para infantís, 2.000 metros para cadetes e 6 quilómetros para a competición absoluta. A saída e a meta estarán no campo de fútbol de Cangas.
Está proba está organizada polo Club Atletismo Ría de Foz e Run Foz Run.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
