A titular de Mar salientou que o 60% dos produtos da pesca, acuicultura e transformados en España proceden de Galicia, o que a sitúa á comunidade como a 15 potencia exportadora a nivel mundial
Santiago de Compostela, 13 de novembro do 2025. A Cidade da Cultura acolleu hoxe o primeiro Foro Competemar, no que se analizaron as principais claves para reforzar a proxección internacional e competitividade da cadea mar-industria galega. O evento foi inaugurado pola conselleira do Mar, Marta Villaverde, que destacou a fortaleza exterior do sector marítimo-pesqueiro e a súa industria transformadora que acadaron o pasado ano un novo récord de exportacións de 2.797 millóns.
Villaverde, acompañada polo director xeral de Pesca, Acuicultura e Innovación Tecnolóxica, Cándido Rial, sinalou perante directivos empresariais, representantes da administración e expertos en internacionalización, marketing e innovación, a importancia de aproveitar as oportunidades derivadas da crecente integración dos mercados. Nesta liña, puxo en valor a alianza do Goberno Galego co Clúster Alimentario de Galicia (Clusaga) para “reforzar o apoio as nosas empresas co fin de que dispoñan de máis e mellores ferramentas para orientar a súa estratexia exterior”.
A titular de Mar lembrou que o 60% dos produtos da pesca, acuicultura e transformados en España proceden de Galicia, situando a comunidade como a 15 potencia exportadora mundial. Tratase de cifras especialmente significativas nun contexto de descenso progresivo do consumo interno fronte unha demanda mundial en aumento, o que supón “un cambio importante, xa que para competir temos que ofrecer garantía de calidade e ser capaces de orientar a produción cara aos mercados de maior crecemento”.
Para avanzar neste camiño, a Xunta está despregando diferentes liñas de apoio destinadas a superar os obstáculos da actividade exportadora. Por unha banda, facilitando a presenza de pequenas e medianas empresas galegas en 51 feiras internacionais ata o 2027, cun investimento de 11 millóns de euros. A conselleira do Mar subliñou que “a promoción da pesca e acuicultura galega mediante a exhibición dos seus produtos nestes eventos é unha das nosas apostas decididas para abrir novos mercados e seguir batendo récords”.
Programa Competemar
O evento, organizado por Clusaga, enmárcase no convenio de colaboración coa Consellería do Mar para impulsar o programa para a Mellora Competitiva das Empresas do Mar (Competemar), dotado cunha achega autonómica de 148.000 euros. Esta iniciativa inclúe, entre outras accións, a elaboración dun estudo e a realización dun programa de internacionalización da cadea mar-industria; a celebración do Taste of Sea, un evento gastronómico celebrado en Estados Unidos; e un curso formativo destinado a dotar ás empresas das ferramentas necesarias para deseñar a súa estratexia de internacionalización e orientarse cara aos mercados estratéxicos seleccionados.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
