Ribadeo, 5 de decembro de 2025. Acisa Ribadeo ven de mellorar e ampliar a sinalización comercial e turística da vila co fin de facer mais cercano o comercio e a hostalaría á veciñanza e especialmente aos visitantes. Nas últimas semanas foron instalados dous novos muppis no porto e na Avenida de Galicia e revinilados outros xa existentes no casco urbano.
O xerente de Acisa, Jesús Pérez, indicou que “Acisa Ribadeo ven de mellorar hai unhas semanas a sinalización comercial e turística da vila, co fin de que estivera preparada para esta etapa de Nadal. Os traballos consistiron no revinilado das tres marquesiña que xa estaban instaladas a carón da Praza de Abastos, no Parque San Francisco e na rúa Reinante e a instalación de dúas novas, unha no porto de Porcillán e outra na Avenida de Galicia no acceso ao aparcamento municipal. Estes traballos forman parte do proxecto de Acisa O noso comercio é vida, vive Ribadeo”.
A presidenta do colectivo empresarial ribadense, Carmen Cruzado, explicou que “estes novos soportes de información turística están destinados a ofrecer información turística xeral da vila na parte frontal, que está dedicada á nosa marca O noso comercio é vida, vive Ribadeo, onde figuran números de teléfono de interese xeral e unhas pinceladas do que poder facer en Ribadeo; estes muppis inclúen tamén información comercial e hostaleira de Ribadeo, a través da nosa App e coa información que nela se pode encontrar, así coma un código QR para descargala; e como novidade recollen información básica do Camiño de Santiago ao seu paso por Ribadeo, potenciando a nosa marca Ribadeo, porta do Camiño Norte”.
Cruzado Iglesias subliñou que “o que buscamos con estes novos soportes é mellorar e facer mais accesible a información turística, comercial e hostaleira do noso municipio, para que os milleiros de persoas que ano tras ano pasan por Ribadeo poidan atopar todo o que precisan a pé de rúa, e en caso de querer ampliar eses datos o único que teñen que facer é empregar ese código QR”.
Pérez Prada engadiu que “estes traballos son a última fase parte do proxecto excepcional de Acisa Ribadeo deste ano O noso comercio é vida, vive Ribadeo, premiado pola Xunta de Galicia e que conta coa financiación da Dirección Xeral de Comercio e a cofianciación do Concello de Ribadeo”.
Apertura comercial na ponte festiva
O comercio de Ribadeo abrirá as súas portas este sábado, 6 de decembro.
O xerente de Acisa dixo que “esta fin de semana encaramos a ponte festiva da Constitución, e como se trata duns días de afluencia tanto de veciñanza local que volta á casa para gozar destas xornadas, coma de persoas de toda a contorna e de turistas, a pesar de que o sábado día 6 é festivo, os establecementos comerciais da vila permanecerán abertos ao público. Así mesmo, o domingo día 7 pola mañá, numerosos comercios volverán abrir as súas portas co obxectivo de facilitar as compras de Nadal e ofrecer unha maior comodidade á clientela. Así o acordamos e comunicamos os nosos asociados asociadas. Durante esta fin de semana, Ribadeo contará cun ambiente plenamente navideño, cunha ampla oferta de produtos, servizos e atención personalizada, característica do comercio de proximidade”.
A directiva da Asociación de Comerciantes, Industriais, Servizos e Autónomos convida “a veciños, visitantes e clientela en xeral a achegarse a Ribadeo para realizar as súas compras, pasear e gozar da vila nestas datas tan sinaladas”.
A presidenta da Acisa lembrou que “desde hoxe polas compras feitas no comercio local e polo gasto realizado na hostalería e nos servizos asociados a Acisa a clientela recibirá papeletas para participar no sorteo da XV Festa do Comercio, que terá lugar o vindeiro 10 de xaneiro. En xogo poñeremos unha viaxe a Menorca para dúas persoas e 5.000 euros en vales de compra. Cando paguemos as nosas compras non esquezamos pedir e levar as rifas de Acisa Ribadeo”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
