José Tomé Roca e Marta Rouco Seoane formalizaron este venres un acordo no Pazo de San Marcos polo que a Deputación de Lugo achegará preto de 60.000€ ao concello chairego para acondicionar catro vías nos núcleos de Cabanamille e Ver
Lugo, 5 de decembro de 2025. O Presidente da Deputación de Lugo, José Tomé Roca, e a Alcaldesa de Vilalba, Marta Rouco Seoane, asinaron este venres un convenio de colaboración polo cal a institución provincial achegará case 60.000€ ao Concello chairego para mellorar a mobilidade no rural do municipio. Concretamente, este investimento servirá para acondicionar catro accesos nos núcleos de Cabanamille e Ver, nas parroquias de Belesar e Goiriz.
“Esta nova colaboración con Vilalba é froito do noso compromiso cos concellos para poder achegar ao rural servizos públicos de calidade que melloran o benestar da veciñanza”, valorou o mandatario provincial. Destacou que se trata dun acordo importante para Vilalba posto que Cabanamille e Ver son dous núcleos de poboación pequenos que representan á perfección o rural deste concello, con algunhas vivendas e explotacións agrícolas e gandeiras.
En Cabanamille rehabilitaranse tres vías que vertebran este núcleo de Belesar. Dunha parte, a actuación contempla a limpeza das cunetas de algo máis de catro quilómetros e doutra, a reparación do firme en dous quilómetros e medio do conxunto do trazado. En Ver, na parroquia de Goiriz, o Concello mellorará con cargo a este investimento algo máis de 600 metros do acceso desde a N-634. Os traballos neste caso inclúen a limpeza das cunetas e a mellora do firme.
Este acordo vén complementar o que a Deputación de Lugo asinou recentemente co Concello de Vilalba por outros 260.000€. Unha colaboración que servirá, entre outras cuestións, mellorar a mobilidade do núcleo urbano coa rehabilitación do firme no acceso ao barrio das Fontiñas e na rúa do Rego.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
