Teatro, danza, propostas familiares, iniciativas de asociacións, actividades do comercio local e grandes celebracións marcarán as próximas semanas na vila
Burela, 10 de decembro do 2025. A chegada das datas de Nadal trae consigo un calendario cheo de propostas que combina cultura e celebracións abertas á veciñanza en Burela.
O primeiro encontro terá lugar o sábado 13 de decembro na praia da Marosa, onde o Burela Surf Club convoca unha actividade aberta a partir das 16:30. Haberá unha pequena sesión de surf con gorro de Papá Noel acompañada de chocolate quente, unha proposta gratuíta á que pode sumarse calquera persoa, aínda que non practique surf.
O mércores 17 ás 20:00 horas o Auditorio Municipal acollerá o Concerto de Nadal da Escola de Música de Burela e o 19 de decembro, ás 21:00, o Grupo de Teatro A Adala porá en escena o espectáculo para adultos “Marina Club”. O día 20 celebraranse dúas citas destacadas: o Concerto de Panxoliñas da Coral Polifónica de Burela e o Pasarrúas de Nadal polas rúas comerciais, organizado por ACIA Burela, a cargo da Asociación Cultural Musical Dambara. Ese mesmo sábado funcionará ‘O Tren dos Elfos’ entre as 12:00 e as 21:00, e Papá Noel estará recibindo á cativada no quiosco da Praza da Mariña, dúas actividades enmarcadas na colaboración entre ACIA Burela e o Concello.
O 21 será a quenda do Festival de Nadal do CEIP Os Castros, protagonizado polo alumnado de 6º curso. O 22 chegarán as ‘Alfombras de baile interactivo’, para todas as idades, e o 23 ás 18:00 Trécola Producciones ofrecerá o teatro infantil ‘The Piccole Theatre’.
Despois de Nadal, o 26 de decembro ás 20:00 representarase “Romeo e Xulieta de Prokófiev”, unha proposta de danza clásica dirixida por Aleksey Bogutsky. Ese mesmo día e tamén o 27 e 28 poderá gozarse do Deslizador Tubby, unha atracción deslizante para todos os públicos.
O 29 de decembro, en horario de mañá, Xogando nas Nubes instalará unha ludoteca de xogos xigantes. O 30, ás 18:00, Tarabela Creativa traerá o teatro infantil ‘A Tarabela Ambulante: IDEA’ e, o 31 de decembro, tamén pola mañá, volve Xogando nas Nubes cun taller creativo de Nadal.
A noite do 31 converterase nun dos momentos máis agardados destas datas. A Praza da Mariña acollerá a Festa de Fin de Ano, unha celebración que se prolongará dende as 00:30 ata as 05:30 coa música de Conxuro Discomóbil, que ofrecerá unha selección de clásicos e éxitos actuais para recibir o 2026 con festa e alegría.
Xa en xaneiro, os días 2, 3 e 4 estará dispoñible un chan interactivo, unha experiencia sensorial para todas as idades. O día 3 sumarase ademais un espectáculo de maxia organizado pola Asociación Saúde Mental A Mariña.
O 5 de xaneiro terá lugar a Cabalgata de Reis e a programación rematará ese mesmo día coa Rosconada de Premios con chocolatada, que incluirá roscón, opcións sen glute e sen lactosa e diversos agasallos sorpresa. Nese momento celebrarase o Sorteo do Gran Premio de Nadal promovido por ACIA Burela na Praza da Mariña, cun premio de 3.000 euros para a persoa que resulte gañadora e se atope presente no momento do sorteo.
As diferentes propostas que enchen o calendario destas semanas reflicten a diversidade de iniciativas culturais, sociais e comerciais que converten Burela nun punto de encontro activo e dinámico para despedir o ano e darlle a benvida ao novo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
