Os senadores do PP por Lugo e o PP de Galicia, tamén en materia de vivenda, van en dirección contraria. Esta mesma semana, o PP no Parlamento de Galicia pronunciouse a favor do traspaso dos activos da SAREB á Xunta, mentres que os senadores do PP por Lugo esixían ao Goberno que destinase directamente eses inmobles situados en Galicia ao alugueiro. É dicir, dúas propostas distintas sobre un mesmo asunto.
O PP galego demostra que é incapaz de manter unha posición única e coherente nun tema tan serio como o acceso á vivenda, especialmente para a xente nova. Que no mesmo día os parlamentarios galegos defendan unha cousa e os senadores de Lugo a contraria, ademais de ser unha frivolidade inxustificable, evidencia que a súa única intención é utilizar o asunto de maneira interesada politicamente.
O PP de Galicia deixa claro que non se toma en serio o problema da vivenda. Como é posible que se reclame ao Goberno o traspaso das vivendas da SAREB e, ao mesmo tempo, se lle pida que as alugue directamente? Non hai política de vivenda no PP; o único que demostra é que quere atacar ao Goberno con calquera escusa, aínda que sexa ao prezo de contradicirse entre eles mesmos.
¿Estamos ante a enésima metedura de pata dos senadores do PP por Lugo, cuxa ansiedade por saír nos medios xa forma parte da paisaxe do Senado, ou existen realmente dúas posicións diverxentes no PP sobre vivenda? Tócalles aclaralo a eles mesmos.
César Mogo, senador socialista por Lugo
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
