Ribadeo, 12 de xaneiro, 2026. O venres 9 de xaneiro, a Agrupación Cultural Francisco Lanza celebrou a súa asemblea anual de socias e socios para avaliar a actividade desenvolvida durante o ano 2025 e deseñar as liñas básicas de actuación de cara ao 2026.
A entidade fixo unha valoración positiva dos actos realizados ao longo de 2025. Durante o primeiro semestre desenvolveu unha intensa programación que culminou coas Xornadas de Historia Local, e no segundo semestre mantivo unha actividade destacada, que rematou coa elaboración do almanaque de 2026 e coa campaña de promoción da figura do apalpador. Os paseos da Paco Lanza cada primeiro sábado de mes, o Caldo de gloria polo Día de Rosalía, presentacións de libros, conferencias, viaxes culturais (Betanzos e Sada, Ribeira Sacra, Mosteiro de Samos e Pazo de Tor) e as Palabras na varanda, entre outras propostas, deron vida cultural ao ano.
De cara a 2026, a agrupación ten en marcha varios proxectos. Ademais de manter as actividades habituais, a entidade prevé lembrar, en coordinación con outras asociacións mariñás e de Ribadeo, a figura de Hernán Naval, cando se cumpren vinte e cinco anos do seu pasamento. Para iso iniciará unha rolda de contactos co obxectivo de organizar unha homenaxe conxunta.
A agrupación tamén pretende reforzar o ciclo de conferencias sobre temas de actualidade, tanto arredor dos novos estudos sobre a historia de Galiza como da situación política internacional. As fachadas de Ribadeo volverán engalanarse coas Palabras na varanda, que nesta edición estarán dedicadas a Begoña Caamaño.
Aínda pendentes de concreción, as Xornadas de Historia Local poderían centrarse na figura de Hernán Naval ou, cando menos, incluír un apartado destacado sobre a súa traxectoria, o seu legado e a súa influencia en xeracións posteriores.
A entidade manifesta tamén a vontade de recuperar a súa liña de traballo vinculada ao medio ambiente, organizando algunha actividade arredor do mes de xuño coincidindo co Día Mundial do Medio Ambiente. Así mesmo, continuará coa promoción da figura do apalpador e elaborará o almanaque correspondente ao ano 2027.
A Agrupación Cultural Francisco Lanza fai un chamamento ás persoas interesadas para que participen nas súas actividades e se incorporen como socias. A cota anual é de 14€, e nas actividades con entrada establécese unha discriminación positiva para as persoas asociadas. A entidade anima a seguir a súa actividade a través das redes sociais e da prensa local.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
