Ribadeo, 9 de xaneiro de 2026. Este sábado, 10 de xaneiro, terá lugar a XV Festa do Comercio de Acisa Ribadeo, que repartirá 5.000 euros premios e unha viaxe a Menorca para dúas persoas. O sorteo será nas carpas instaladas na Avenida Rosalía de Castro a partir das 20:30 horas.
Desde Acisa a súa presidenta, Carmen Cruzado, explicou que “chega unha data moi importante para Acisa, chega tras o Nadal o sorteo presencial da XV Festa do Comercio, que se realiza coas rifas entregadas durante toda esta campaña comercial, que deu comezo o pasado 5 de decembro. O sorteo comezará ás 20:30 horas nas carpas de Rosalía de Castro, pero a urna estará instalada dende as 17:00 horas para que todos os veciños e veciñas poidan depositar as súas rifas nela con tempo e non ter que facer cola a última hora”.
Cruzado Iglesias lembrou que “foron 180.000 as rifas repartidas entre todos os negocios asociados a Acisa. O sorteo de mañá suporá o colofón ao Nadal de Ribadeo. É unha data moi agardada por todas e todos e esperamos que teña unha incidencia moi positiva tanto no comercio como na hostalería, debido á cantidade de xente que mañá se achegará á nosa vila para presenciar o sorteo da XV Festa do Comercio”.
O xerente de Acisa, Jesús Pérez, explicou que “como todos os anos haberá cadeiras para que a xente poida seguir o sorteo sentada. No exterior da carpa contaremos con pantalla xigante e con altofalantes para que todo mundo viva o sorteo da Festa do Comercio do mellor xeito posible. Vai ser un acto rápido, que tentaremos non dure moito máis de 30 minuto. O evento será conducido polo xornalista Félix Jorquera”.
Pérez Prada lembrou que “este ano sorteamos unha viaxe valorada en preto de 1.000 euros para dúas persoas, de catro días de duración a Menorca, a desfrutar no mes de maio; 5.000 euros en vales de compra de Acisa, que se repartirán nun premio de 2.000 euros, un de 1.500 euros, un de 1.000 euros, e dous de 250 euros (un deles será non presencial). O premio non presencial será sorteado entre o número total de papeletas impresas. E o resto de premios sortearanse entre os números que mañá estean depositados na urna instalada a carón da carpa”.
Cruzado Iglesias subliñou que “si se extrae unha rifa que non estea debidamente selada, quedará inmediatamente invalidada, tal e como recollen as bases do sorteo. Temos que insistir en que a xente poderá depositar as papeletas ata as oito e media da tarde, despois a urna trasladarase ao escenario desde o que dará comezo o sorteo desta XV Festa do Comercio”.
A presidenta de Acisa dixo: “desde Acisa queremos agradecer de antemán ao Concello de Ribadeo a súa colaboración cos medios materiais e co persoal municipal para poder facer a montaxe adecuada para a celebración da Festa do Comercio; grazas tamén á Dirección Xeral de Comercio da Xunta; e ás empresas BeOne e Multitrasteros polo seu patrocinio. Grazas á clientela dos negocios de Ribadeo por apostar unha vez máis por facer as súas compras na nosa vila, nas tendas físicas atendidas por persoas, que sempre están dispostas a asesorarnos e a ofrecernos o mellor trato e o mellor produto posible. Agardamos seguir contando coa súa confianza ao longo deste recén estreado ano”.
O xerente do colectivo empresarial ribadense animou “a asistir a este agardado momento, a XV Festa do Comercio de Acisa Ribadeo, que reunirá unha vez máis a milleiros de persoas nas carpas e na mesma Avenida Rosalía de Castro. Agardamos que o tempo nos acompañe e que o 2026 sexa un moi ano para o tecido empresarial de Ribadeo”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
