Foz, 12 de xaneiro, 2025. A Asociación Cuiden Maiores e Coidadores fixo pública a súa denuncia pola situación vivida na tarde do mércores 7 de xaneiro no Centro de Saúde de Foz, un episodio que considera representativo dun problema estrutural da sanidade pública galega, que afecta ao conxunto da poboación pero que impacta con especial gravidade nas persoas maiores.
Segundo explica a entidade, acompañouse a unha persoa de máis de 70 anos que presentaba un cadro agudo con febre, tos, dor e malestar importante. A paciente agardou máis de dúas horas e media para ser atendida e, finalmente, comunicóuselle que non sería atendida por razóns organizativas e de fin de horario, recomendándolle desprazarse ao PAC do Hospital da Costa, en Burela, ou regresar ao día seguinte. Dada a súa condición física, esa alternativa resultaba practicamente inasumible, polo que tivo que marchar sen recibir atención sanitaria.
A asociación xa trasladou o sucedido pola vía administrativa á Xerencia da Área Sanitaria de A Mariña, Lugo e Monforte, pero decidiu facelo público ao considerar que non se trata dun caso illado, senón dunha dinámica que se está repetindo.
Cuiden Maiores subliña que esta situación supón unha vulneración do dereito á protección da saúde e á atención sanitaria efectiva, ao quedar unha persoa enferma sen asistencia por motivos exclusivamente organizativos.
A entidade insiste en que non se trata dunha crítica ao persoal sanitario, senón dunha denuncia dirixida ás administracións públicas pola súa responsabilidade na planificación, dotación e organización do sistema sanitario.
Lembra ademais que as persoas maiores, pola súa maior vulnerabilidade física e funcional, sofren con máis intensidade as esperas prolongadas, os desprazamentos nocturnos e a falta de atención efectiva.
Por todo isto, Cuiden Maiores e Coidadores esixe unha revisión urxente da dotación de persoal, dos protocolos de atención e dos mecanismos de protección das persoas maiores no acceso á sanidade pública.
A asociación conclúe que a sanidade pública é un dereito e debe funcionar tamén cando unha persoa está enferma e non pode máis. “Non pedimos privilexios, pedimos dereitos”, afirman.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
