Xove, 21 de xaneiro, 2026. O Concello de Xove, a través da Delegación de Cultura, presenta o seu Programa de Entroido 2026, que inclúe actividades para todas as idades e un dos desfiles máis destacados da comarca, cunha dotación total de 5.385 euros en premios.
Venres, 13 de febreiro
17:30 h – Baile infantil de disfraces
O Pavillón Municipal acollerá un baile infantil con animación, pensado para que os máis pequenos desfruten do Entroido en familia.
Sábado, 14 de febreiro
17:00 h – Gran Desfile de Entroido
O desfile percorrerá as rúas de Xove, con saída desde a nave-almacén municipal situada ao carón do Campo Municipal de Fútbol e chegada ao Centro Cívico. A música correrá a cargo da charanga Europa.
Ao rematar o desfile, celebrarase unha gran festa de disfraces no Pavillón Municipal, amenizada por Disco Móbil Conxuro, que se prolongará ata altas horas da madrugada. Durante a festa realizarase a entrega dos premios do concurso.
Inscricións para participar no desfile
As persoas interesadas poden inscribirse:
Ata o venres, 13 de febreiro
• No Concello de Xove (despacho da socióloga municipal).
• No teléfono 982 592 001.
As persoas anotadas antes desta data recibirán un agasallo da organización o día do desfile.
O sábado, 14 de febreiro (día do desfile)
• No punto de saída (nave-almacén municipal).
• Horario: de 15:00 a 16:30 h.
A partir das 16:30 h non se admitirán novas inscricións; só se poderán recoller dorsais das persoas xa anotadas previamente.
Premios
Segundo as Bases do Concurso do Gran Desfile de Entroido de Xove 2026, repartiranse 5.385 euros en premios nas diferentes categorías establecidas.
Bases e inscricións
As Bases do Concurso e as follas de inscrición están dispoñibles para consulta e descarga na web municipal: www.xove.es
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
