Ribadeo, 19 de febreiro, 2026. O BNG de Ribadeo insta ao alcalde do municipio a apoiar a iniciativa anunciada pola alcaldesa de Barreiros, Ana Ermida, para reclamar a aplicación do chamado Modelo Muras nas compensacións derivadas do parque eólico Mondigo, promovido pola empresa Recursos de Galicia.
Desde a formación nacionalista consideran que esta postura representa “un paso firme na defensa dos intereses da veciñanza” e un exemplo de como deben xestionarse os recursos naturais do territorio. Lembran que o Modelo Muras —aplicado no concello homónimo nun acordo con Iberdrola— permitiu establecer compensacións directas e colectivas para toda a poboación.
O concelleiro do BNG, Martín Graña, subliñou que “se en Muras foi posible acadar un acordo beneficioso para toda a veciñanza cunha empresa privada, con máis razón debe selo agora, cando falamos dun proxecto no que participa capital público da Xunta”. Engadiu que “non se pode permitir que a explotación dos nosos recursos deixe migallas no territorio mentres os beneficios marchan fóra. Debemos ser ambiciosos e conseguir beneficios reais para o conxunto da veciñanza”.
O BNG defende que Ribadeo debe reclamar, xunto con Barreiros e Trabada, unha partida económica suficiente para bonificar as facturas da luz de todas as persoas empadronadas, así como garantir unha porcentaxe non inferior ao 2,5% da produción do parque destinada a actividades sociais e comunitarias. “Falamos de xustiza social e de retorno real para quen soporta o impacto ambiental e territorial destas infraestruturas”, apuntou Graña.
O edil advertiu tamén de que o modelo baseado en compensacións individualizadas segundo a proximidade ás instalacións “é unha boa nova, pero ten uns beneficios moi limitados”. Pola contra, afirmou, “o Modelo Muras garante que a riqueza xerada polos nosos recursos naturais repercuta no conxunto da veciñanza, fortalecendo os servizos públicos e o tecido social”.
Finalmente, o BNG de Ribadeo fai un chamamento ao alcalde para que abandone “calquera postura pasiva” e lidere, xunto con Barreiros e Trabada, unha fronte común en defensa dos intereses da cidadanía dos tres concellos. “Estamos ante unha oportunidade para demostrar que os concellos poden e deben esixir condicións xustas. Ribadeo non pode quedar á marxe”, concluíu Graña.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
