O Concello agradece a implicación de comparsas, grupos e establecementos colaboradores e anima á veciñanza a traballar nas coplas e disfraces do Entroido 2027
Viveiro, 19 de febreiro de 2025. O Concello de Viveiro fai un balance positivo do Entroido 2026, que se desenvolveu cunha elevada participación e cunha programación que combinou actos tradicionais e propostas pensadas para diferentes públicos. Tamén se incluíron actividades e xogos para os máis pequenos.
A pesar de que a climatoloxía foi desfavorable en varias xornadas, as celebracións puideron levarse a cabo. Deste xeito, o Entroido mantívose como un dos momentos máis destacados do ano no Concello. Foi unha festa vinculada ao bo humor e á sátira como sinais de identidade.
O Concello quere expresar o seu agradecemento a todas as persoas que participaron e fixeron posible o Entroido 2026: comparsas, grupos, carrozas e colectivos, tanto de Viveiro como doutros puntos da Mariña. Todos eles contribuíron a que a festa tamén tivese unha dimensión comarcal.
Do mesmo xeito, o Concello agradece a colaboración de establecementos e entidades que apoiaron a celebración, entre eles O Recuncho, Casa Chao e o Bar La Plaza, así como o labor do xurado que participou na valoración e entrega de premios. Tamén recoñece o traballo de Mon, presentador das Alpuxarradas, pola súa contribución ao desenvolvemento do acto.
O Concello quere facer un agradecemento especial á comitiva do Enterro da Sardiña que, dende primeira hora da mañá do mércores de fin de Entroido, percorre as rúas de Viveiro, se achega ata a Casa do Concello para a recepción oficial e mantén vivo o ambiente festivo durante toda a xornada. A súa presenza, xunto coas Lloronas, contribúe de maneira decisiva a despedir o Entroido 2026 e a acompañar o peche da programación, que culmina ese mesmo día pola noite co Enterro da Sardiña.
Así mesmo, o Concello recoñece o labor da Comisión de Festas e a súa colaboración coa organización da cea do luns de Entroido, un dos eventos máis destacados destas datas, e agradece tamén ao comercio local a súa participación nas cestas e agasallos entregados nesa xornada.
Por último, o Concello de Viveiro anima á veciñanza e aos colectivos a comezar a traballar xa no Entroido 2027, pensando en novas propostas, disfraces e coplas, coa vontade de seguir mellorando a programación e consolidando unha festa participativa e aberta.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
