Trabada, 8 de febreiro de 2026. O Concello de Trabada organiza o I Encontro de Cestería da Vilapena, que se celebrará o domingo 22 de marzo. Trátase dunha xornada pensada para poñer en valor a artesanía tradicional e recoñecer o labor das persoas que mantiveron vivo este oficio ao longo do tempo.
O encontro desenvolverase ao longo de todo o día cun amplo programa de actividades. Entre as 11:00 e as 13:00 horas terá lugar un obradoiro de cestería, con inscrición previa no Concello de Trabada ou no teléfono 982 13 50 11. Ademais, haberá demostracións de cestería a cargo de Lola Tourón, Asunción Trigo e José M. Ginzo, referentes neste oficio artesanal.
Ás 12:30 horas está prevista a actuación da Asociación Amigos da Gaita Galega, e ás 13:00 horas celebrarase un acto de homenaxe a Jorge da Vilapena, un dos últimos cesteiros da parroquia e protagonista do cartel desta primeira edición. Durante toda a xornada poderá visitarse tamén unha exposición de pezas elaboradas na Vilapena e postos de venda de produtos de proximidade.
A programación completarase cun vermú tradicional e cunha comida popular no Teleclub da Vilapena ás 15:00 horas, con venda de tickets ata o 13 de marzo no Supermercado Onda de Trabada e nas oficinas do Concello. O menú inclúe entremeses, tenreira guisada, tarta de Santiago, viño, refrescos, auga e café. O prezo é de 25 euros para adultos e 15 euros para nenos e nenas de 3 a 10 anos. A xornada pecharase ás 17:00 horas co remate dos cestos.
O alcalde de Trabada, Rubén García, destacou a importancia desta iniciativa para preservar a identidade local: “a cestería forma parte da nosa historia e do noso patrimonio cultural, e encontros coma este son fundamentais para recoñecer o traballo das persoas que dedicaron a súa vida a este oficio e para transmitilo ás novas xeracións”.
O rexedor puxo tamén en valor a figura de Jorge da Vilapena, sinalando que “é unha homenaxe máis que merecida a unha persoa que representa o saber tradicional, o esforzo e o amor pola artesanía, e que contribúe a manter viva a memoria da parroquia”.
Desde o Concello de Trabada animan a toda a veciñanza e ás persoas visitantes a participar nesta xornada, que supón unha oportunidade para coñecer de preto a cestería tradicional, poñer en valor un oficio ligado á identidade do rural e compartir un día de convivencia arredor da cultura popular.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
