A Mariña, 4 marzo de 2026. A Mancomunidade de Municipios da Mariña Lucense continúa avanzando na implantación do Modelo de Innovación Sostible de Experiencias Agroturísticas (MISEA), unha iniciativa impulsada pola Secretaría de Estado de Turismo a través de SEGITTUR con novas fases de asesoramento e traballo co sector produtivo e turístico local.
Nesta edición A Mariña foi o único destino galego seleccionado para formar parte deste proxecto de ámbito nacional, xunto coa Deputación de Cáceres, Fuerteventura, Urgell (Lleida) e Valencia, todos eles integrantes da Rede de Destinos Turísticos Intelixentes.
A presidenta da Mancomunidade, Rocío López, explicou que “o obxectivo do programa é integrar de maneira estruturada ao sector primario no sistema turístico local, promovendo experiencias agroturísticas sostibles que xeren novas oportunidades de ingresos, visibilicen o produto local e contribúan a diversificar a oferta do destino sen distorsionar a actividade principal de produtores e empresas”.
Traballo conxunto co territorio
Tras as primeiras sesións celebradas en novembro, o proxecto continuou o pasado martes 24 con novas reunións de traballo do Grupo de contraste e dos 10 produtores participantes no proxecto.
A reunión do Grupo de contraste contou nesta ocasión coa presenza de representantes de Turismo Slow Norte de Galicia, do Colectivo de Gastronomía da Mariña, GDR Terras de Miranda, membros da mesa de calidade do SICTED na Mariña e unha axencia de viaxes. Así, completouse un abanico de profesionais experimentados que, a través da colaboración activa e o intercambio de ideas, achegan unha perspectiva local ao proxecto, contribuíndo á súa boa implementación.
Pola súa parte, os produtores e pequenas empresas transformadoras e comercializadoras participantes recibiron unha formación conxunta sobre a promoción e comercialización de experiencias agroturísticas. “Foi un encontro intenso e dinámico no que se abordou o desenvolvemento dunha estratexia de comercialización a través dos seis pasos que recolle o MISEA”, indicou Tania Hermida, xerente da Mancomunidade de Concellos da Mariña e do Plan de Sostibilidade Turística.
Os 10 promotores que están participando no proxecto son: Cooperativa Terras da Mariña, Agroalimentaria Laurentina, Porto de Burela, Marmeladas A Morena, Mel O Poder das Flores, A Morena Marmeladas Artesanais, Porco Celta Celtagal, Bodega don Pedro Leivas Sidra Salvaxe, Monte Veciñal en Man Común de Frexulfe, Panadería de Galdo e Shiifos Setas.
Tania Hermida dixo que “durante o proceso está a destacar especialmente a excelente motivación dos promotores participantes, así como a claridade coa que afrontan esta nova liña de traballo. Todos eles mostran un firme interese por apostar por un modelo de experiencias que achegue valor engadido tanto aos seus propios produtos como ao conxunto do territorio, aliñado cunha visión de turismo sostible, de calidade e profundamente vinculada á identidade e autenticidade da Mariña”.
O MISEA recolle acompañamento técnico especializado, formación específica e a elaboración tanto dun plan de acción conxunto, que permita consolidar estas experiencias dentro do sistema turístico do destino, como individual de cara aos 10 promotores participantes.
Así, ao longo dos meses de marzo e abril a Mancomunidade recibirá a folla de ruta estratéxica para o destino, en cuxo documento figurará a participación destacada do Colectivo de Gastronomía da Mariña, como axente de cambio no territorio. Paralelamente, aos promotores implicados presentaránselles os seus plans de mellora individualizados, que lles permitirán traballar de forma máis concreta na creación ou perfeccionamento das experiencias que desexen impulsar. Desde SEGITTUR prevese dispoñer dos resultados finais do proxecto de cara aos meses de maio e xuño.
Cara a un modelo turístico máis sostible
Rocío López subliñou que “o obxectivo final é configurar unha rede de experiencias agroturísticas estruturadas, viables e aliñadas cos principios de sostibilidade, autenticidade e conexión co territorio. Con esta iniciativa, desde a Mancomunidade reforzamos a nosa aposta por un turismo responsable, diversificado e vinculado ao produto local, consolidando á Mariña como un destino que avanza en innovación e sostibidade, neste caso, dentro da Rede de Destinos Turísticos Intelixentes e de xeito habitual grazas ao Plan de Sostibilidade Turística, ferramenta impulsada tamén pola Secretaría de Estado de Turismo, e aos convenios que asina anualmente coa Xunta de Galicia e a Deputación de Lugo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
