Ribadeo, 14 de abril, 2026. O encontro anual dos profesionais da hostalería da provincia de Lugo, promovido pola Asociación Provincial de Empresarios de Hostalería e Turismo de Lugo (Apehl), reuniu este luns preto de 200 asistentes no restaurante Voar, en Ribadeo. A cea, servida por Eventos Mesón de Alberto, congregou hostaleiros, autoridades, provedores e representantes do sector nunha gala xa consolidada no calendario da entidade.
Recoñecemento “Toda unha vida nos fogóns”
Durante o evento fíxose entrega dos premios Toda unha vida nos fogóns, cos que a Apehl distinguiu este ano a traxectoria de:
• Áurea Rodríguez Toirán, do Restaurante Río Loyo (Paradela)
• José Manuel Fontal Vázquez (Pepe), do Hotel Roma (Sarria)
• Jesús Galdo Sánchez, de Val do Naseiro (Viveiro)
• Ramón Álvarez López
As persoas galardoadas recibiron unha peza de Sargadelos coa marca turístico-gastronómica “…E para comer, Lugo”.
A presidenta da Deputación de Lugo, Carmela López, destacou que “grazas a profesionais coma vós, a provincia de Lugo é hoxe sinónimo de calidade, proximidade e excelencia”.
Intervencións institucionais
O presidente da Apehl, Cheché Real, abriu a quenda de intervencións salientando o papel da hostalería como “un sector vivo, dinámico e fundamental para a economía e a imaxe da provincia”. Subliñou o bo momento turístico que vive Lugo e sinalou oportunidades de futuro como o eclipse total de sol do 12 de agosto, que situará especialmente A Mariña como un dos mellores lugares do mundo para a súa observación.
Real insistiu na importancia da formación, da profesionalización e da adaptación ás novas tecnoloxías, así como no labor da Asociación na promoción da provincia a través de accións como a participación na Vuelta Ciclista a España ou a edición da guía “…E para comer, Lugo”. Ademais, lembrou que a entidade celebrará en 2027 o seu 50 aniversario, medio século de defensa do sector e impulso do asociacionismo.
Tamén interviñeron:
• Cesáreo González, presidente do Clúster de Turismo de Galicia
• Xosé Merelles, director da Axencia Turismo de Galicia
• María José Gómez, conselleira do Medio Rural
• Daniel Vega, alcalde de Ribadeo
Todos coincidiron en destacar a hostalería como motor económico, social e turístico da provincia.
Apoio institucional á hostalería lucense
A presidenta da Deputación, Carmela López, reafirmou o compromiso da institución co sector e lembrou que a Deputación mantén unha achega anual de 40.000 € á Apehl para accións de promoción gastronómica e para o desenvolvemento dun curso de especialización en enoturismo. “Impulsar a hostalería é apostar polo emprego e polo desenvolvemento do noso territorio”, sinalou.
Ao acto asistiron tamén o deputado de Recursos Sostibles, Francisco Cajoto, así como alcaldes e alcaldesas da Mariña, provedores e numerosos profesionais da hostalería.
Ribadeo, escenario dunha gala que percorre a provincia
A gala, que cada ano se celebra nun punto diferente da provincia, escolleu nesta ocasión a vila de Ribadeo, reafirmando o compromiso da Apehl coa promoción de todo o territorio lucense.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
