O certame celebrarase o 6 de setembro na Sala Cultural Xosé Vizoso, no edificio das Carboeiras e repartirá premios aos mellores tempos
Cervo, 3 de xuño do 2026. O Concello de Cervo presentou unha nova proposta de ocio creativo e dinamización cultural da man de HAI LARÁN, Escape Room & Espazo Creativo, unha das iniciativas emprendedoras instaladas no Centro de Emprendemento de Sargadelos.
Na presentación participaron a alcaldesa, Dolores Garcia Caramés, e o reponsable de HAI LARÁN, Rubén Prieto, que deron a coñecer os detalles do I Concurso de Puzzles “Sargadelos peza a peza”, unha actividade que se celebrará o domingo 6 de setembro de 2026, entre as 11:00 e as 13:00 horas, na Sala cultural Xosé Vizoso, no Conxunto Histórico de Sargadelos.
O concurso contará cunha única categoría por parellas, que poden estar conformadas por dous adultos, ou un menor e un adulto, cun custo de inscrición de 15 euros por equipo, e repartirá premios aos tres mellores tempos, ademais dun recoñecemento ao mellor tempo local. As prazas serán limitadas e o prazo de inscrición permanecerá aberto ata o 23 de agosto a través da web de HAI LARÁN.
A alcaldesa puxo en valor “a aposta por actividades diferentes e innovadoras que contribúen a dinamizar o Conxunto Histórico Artístico, mediante propostas atractivas para todos os públicos”, ao tempo que destacou “a capacidade de HAI LARÁN para ofrecer experiencias de ocio creativo e colaborativo vinculadas ao territorio”.
A rexedora tamén incidiu na versatilidade da Sala Cultural Xosé Vizoso, situada no edificio das Carboeiras, “un espazo municipal que continúa consolidándose como escenario idóneo para acoller iniciativas culturais, didácticas e participativas de moi diversa índole”.
Desde o Concello lembran que HAI LARÁN é un espazo innovador que combina diversión, enxeño e creatividade a través de experiencias de escape room nas que os participantes deben resolver enigmas, superar desafíos e traballar en equipo para cumprir distintas misións nun tempo limitado.
Ademais, este proxecto funciona como espazo creativo de ocio pensado para todas as idades, promovendo actividades lúdicas, obradoiros e dinámicas colaborativas orientadas a fomentar a imaxinación, a creatividade e a diversión compartida.
Desde o Concello animan á veciñanza e ás persoas afeccionadas aos puzzles e aos retos en equipo a participar nesta proposta novidosa que mestura diversión, enxeño e colaboración nun escenario singular como o Conxunto Histórico de Sargadelos.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
