Ribadeo, 3 de xuño de 2026. En Ribadeo xa se poden solicitar os permisos para as fogueiras de San Xoán e San Pedro. A través dun Bando desde o Concello realizan unha serie de recomendacións:
1º.- Prohíbese queimar rodas ou cubertas de goma, plástico, aceites ou calquera material derivado de hidrocarburos, así como materiais ou produtos contaminantes ou tóxicos.
2º.- Non se poderán facer fogueiras en lugares próximos a tendidos eléctricos ou telefónicos, edificios, vehículos e mobiliario urbano (mínimo 50 m) ou calquera outro no que poidan crearse situacións de perigo.
3º.-Non poderán realizarse en terreos que teñan natureza forestal ou agrícola, para os cales deberase comunicar e pedir unha autorización á Consellería de Medio Rural. Tampouco en terreos que estean preto deles ou de vexetación susceptible de propagar o lume (Art. 36 da Lei 3/2007, de 9 de abril), nin baixo o arborado de parques e xardíns.
No Bando da Alcaldía sublíñase que “cada fogueira terá un responsable que comunicará nas Oficinas Municipais, presentando a tal efecto o impreso que se facilitará nas oficinas de Secretaría (anexo ao presente Bando), indicando o responsable da queima, DNI, lugar da queima e comprometéndose a adopción das medidas de seguridade precisas, asinando o mesmo”. O prazo máximo para comunicar a queima será: Para as fogueiras de San Xoán ata as 14 horas do día 22 de xuño de 2026. E para as fogueiras de San Pedro ata as 12 horas do día 26 de xuño de 2026.
4º- A fogueira permanecerá vixiada ata a súa extinción. Ao finalizar, e antes de abandonar o lugar da mesma, os responsables da organización coidarán de que as cinzas queden totalmente apagadas, que deberá ser asegurada empapando os restos totalmente con auga.
5º- O responsable ou responsables e organizadores de cada fogueira encargaranse de retirar da vía pública todos os restos que queden unha vez rematada a queima
6º- Os organizadores atenderán as indicacións de Policía Local, Garda Civil, Protección Civil e Bombeiros. O cumprimento destas normas será verificado polo persoal do Servizo de Extinción de Incendios e Protección Civil que, se é o caso, dará conta á Policía Local. En caso de incumprimento do indicado, ou de queixas xustificadas da veciñanza, procederase polo Servizo de Extinción de Incendios, e a requirimento da Policía Municipal, a sufocar de inmediato a fogueira.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
