O médico Ramón Castro, Fillo Adoptivo da Pontenova

A Pontenova 29-11-18. O Salón de Plenos do Concello da Pontenova acolleu este xoves o acto de proclamación de Fillo Adoptivo ao médico afincado neste vila, Ramón Castro. A cerimonia estivo presidido polo Alcalde da Pontenova, Darío Campos, acompañado de toda a corporación municipal, así como da subdelegada do Goberno, Isabel Rodríguez, e numerosos veciños.
Na súa intervención, Campos sinalou que “Ramón Castro merece ser Fillo Adoptivo do Concello da Pontenova, polo seu traballo, polo seu esforzo, pola súa dedicación, pero sobre todo polo seu compromiso coa saúde de todos os seus veciños. E este acto tamén ten que servir para espertar conciencias e dignificar esta profesión”.
Ramón Castro
Naceu en Arzúa (1953), e chegou como médico ao concello da Pontenova no 1995. Licenciouse en Medicina na Universidade de Santiago no 1979. Ao longo da súa traxectoria profesional desenvolveu o seu traballo nos Concellos de Monforte de Lemos, Guntín, Paradela, Monterroso e Triacastela. É un gran afeccionado á caza e a pesca, e gañou o campionato provincial de Pesca.