Alfoz 8-3-19. O pasado sábado, o grupo de teatro “Os pícaros de Lagoa” viaxou até Castro de Rei co obxectivo de homenaxear a Xosé Manuel Carballo, crego e activista cultural moi vinculado ao teatro amateur.
Xosé Manuel Carballo (falecido en 2017) era o autor da adaptación do texto Menciñeiro á forza, primeira obra representada polo grupo alfocés.
“Os pícaros de Lagoa” contactou co grupo de teatro “Os Baluros”, (colectivo dinamizado por Carballo desde a década dos ’70) coa intención de homenaxear o célebre crego na súa terra natal.
De tal xeito, os alfoceses representaron Menciñeiro á forza en Castro de Rei, no centro social que leva o nome de Xosé Manuel Carballo.
Ao redor dun centenar de persoas asistiron a unha representación onde estiveron presentes os rexedores municipais de Alfoz e de Castro de Rei, así como os familiares de Carballo.
Ao remate da función, “Os pícaros de Lagoa” foron obsequiados cunha placa conmemorativa do encontro, e mais con varios exemplares de dúas obras dramáticas do propio Carballo.
O grupo alfocés foi convidado a uns petiscos polo Concello de Castro de Rei, e durante o encontro falouse dun posíbel intercambio cultural, pois “Os Baluros” mostraron grande interese por traer as súas funcións a Alfoz, así como por coñeceren o municipio e asistiren á estrea da obra que xa están a preparar “Os pícaros de Lagoa”. A nova obra intitúlase Asilo por compasión e como sempre, chegará ao escenario o 25 de xullo, coincidindo coas festas patronais da parroquia de Lagoa.
A familia do recordado crego mostrou interese por obter a gravación da primeira representación do grupo alfocés, pois á devandita estrea asistira o propio Carballo, pronunciando unhas palabras desde o público. Esta sería unha das últimas intervencións públicas do activista chairego.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
