Ribadeo, 2 de abril de 2019. O alcalde, Fernando Suárez, amosa a súa satisfacción porque a Xunta declarase a Romaxe das Cruces como Festa de Interese Turístico de Galicia. Pero o rexedor critica as malas formas de comunicar este feito, xa que a administración galega non contactou coa mesa de traballo constituída no seu día, nin coa Corporación Municipal de Ribadeo nin tampouco co propio alcalde, senón que o fixo co candidato á alcaldía ribadense polo PP. Fernando Suárez asegura que “a min me daría grima apropiarme tan burdamente dun traballo de tanta xente e aparecer como un conseguidor de algo para o que nada fixo”.
O alcalde dixo: “primeiramente transmitir no meu nome, pero especialmente no nome de toda a Corporación, o sentimento de satisfacción porque a Xunta veña de declarar a Romaxe das Cruces como Festa de Interese Turístico de Galicia. É moi importante este recoñecemento dun acto que ten máis de douscentos anos de antigüidade e que evoca uns feitos bélicos da loita do pobo contra a invasión francesa en 1809. Transmitir polo tanto esa ledicia porque toda a Corporación, de xeito unánime en xuño de 2017, apoiamos formalmente esta petición de Festa de Interese Turístico de Galicia, tras apoiar convenientemente a petición que nos fixo chegar unha mesa de traballo, constituída en maio de 2017, para poñer en valor esta festa”.
Fernando Suárez lembrou que “esta comisión estaba composta polo presidente e a secretaria da comisión de veciños O Formigueiro, de A Ponte, polo párroco, por un historiador especialista, pola técnica de Turismo e pola concelleira de Turismo do Concello de Ribadeo, así como polos voceiros do grupo do Partido Popular, do Partido Socialista e de Ciudadanos”.
O rexedor sinalou que “o que temos que lamentar a partires de aquí son as malas formas que ten a Xunta de Galicia de comunicar todo isto, pois non o fai nin a esta mesa de traballo, nin o fai a esta Corporación Municipal, que é quen impulsou institucionalmente este acordo, nin ao seu alcalde como representante da corporación, senón que o fai a unha persoa, que é o candidato do PP ás eleccións municipais de maio. A min persoalmente, de ser o candidato do PP, daríame grima apropiarme tan burdamente dun traballo colectivo de tanta xente e aparecer como artífice e o conseguidor de algo que nada fixo. En todo caso, xa que falamos dun evento de exaltación relixiosa do Camiño de Santiago, penso que, tanto á Xunta de Galicia como a este novo candidato paracaidista, lle son de aplicación o dito aquel dos peregrinos que di que a pesares das presas de última hora non se chega a Roma nun día”.a s municipais de maio.
oa que y de traballo, nin o fai a esta corporaciasese Tur
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
