A Mariña, 12 de outubro, 2019. A Secretaría das Mulleres do Sindicato Labrego Galego e a Confederación de Mulleres do Mundo Rural (Ceres), terán a vindeira semana unha intensa axenda na bisbarra da Mariña coas xornadas Ferramentas innovadoras para unha economía rural con mulleres, que se desenvolverán en Ribadeo e Lourenzá.
Así, o luns 14 de outubro, teremos no Pazo de Tovar (Lourenzá) un programa que incluirá unha charla da avogada Isabel Crende sobre o recoñecemento das mulleres no plano xurídico. Acto seguido, a actual secretaria xeral do SLG, Isabel Vilalba, e unha das súas predecesoras nesta responsabilidade, Lidia Senra, falarán coas asistentes sobre a titularidade compartida e os dereitos profesionais das labregas.
Tres días despois, o xoves 17 de outubro, terá lugar no antigo lavadoiro de Ribadeo un rico intercambio de experiencias profesionais entre labregas de Asturies e Galiza. Desta maneira, daranse a coñecer de primeira man proxectos liderados por mulleres na comunidade veciña como a Asociación CultivArte, a granxa avícola ecolóxica Pita Sana ou a Rede Feminista de Mulleres Rurais do Occidente de Asturies. Pola banda galega, teremos ocasión de coñecer Sen Sucre, unha pequena empresa de comida vegana impulsado por Inés López en Xermade; Argaia Cosmética Natural, obradoiro de cosméticos ecolóxicos feitos a partir de plantas medicinais en Alfoz do que nos falará Pamela Pardiñas; ou a Gandería Lodeiro, de Trabada, da que dará conta Clara Basanta.
Xornadas semellantes a estas desenvolvéronse nas últimas semanas en Guitiriz, Betanzos e Lalín. O 18 de outubro terá lugar en Chantada a última das previstas.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
