Viveiro, 28 de outubro, 2019. O escritor Jordi Sierra i Fabra, único candidato español ao Premio Andersen 2020, visitará o teatro Pastor Díaz de Viveiro o vindeiro mércores 30 para reunirse con alumnos de Primaria e Secundaria. En total, serán máis de 300 estudantes os que terán a oportunidade de coñecer ao autor e formularlle preguntas.
Sierra i Fabra publicou máis de 500 libros ata a data e é un dos escritores máis lidos desde a década dos oitenta en escolas de España e América Latina. Foi traducido a máis de 40 idiomas e recibiu importantes recoñecementos como o Premio Nacional de Literatura Infantil e Xuvenil ou a Medalla de Ouro de Belas Artes.
O vindeiro mércores compartirá a súa experiencia e o seu método con estudantes de varios centros educativos do Concello de Viveiro, que poderán formularlle as súas inquietudes. O encontro celebrarase nunha dobre sesión: ás 10.30 horas serán os alumnos de Primario quen charlará co autor e, a partir das 12.00 h, farano os de Secundaria.
O acto estará tamén aberto ao público en xeral ata completar aforo. Os interesados en asistir deben inscribirse previamente a través do correo electrónico aporral@gmail.com.
Biografía:
Jordi Sierra i Fabra naceu en Barcelona en 1947. Fillo único e de familia humilde, topou con moitos obstáculos que frearon o seu soño de converterse en escritor, entre eles, a oposición paterna. A súa vinculación coa música rock (foi director e en moitos casos fundador dalgunhas das principais revistas españolas do xénero nos anos sesenta e setenta) serviulle para facerse popular, sen perder nunca de vista o seu auténtico anhelo: escribir as historias que a súa volcánica mente inventaba. Publicou o seu primeiro libro en 1972. Desde entón escribiu máis de cincocentas obras, moitas delas best sellers, gañou case 40 premios literarios, ademais de recibir un centenar de mencións honoríficas e figurar en múltiples listas de honra, e foi traducido a máis de 30 linguas. Foi tres veces candidato por España ao Nobel de literatura xuvenil, o premio Hans Christian Andersen, e outras tres ao Astrid Lingren, en 2007 recibiu o Premio Nacional de Literatura do Ministerio de Cultura, en 2012 recibiu o Premio Cervantes Mozo por toda a súa carreira literaria e en 2013 o Premio Iberoamericano pola mesma causa. En 2018 fíxose coa Medalla de Ouro de Belas Artes do Ministerio de Cultura e a Creu de Sant Jordi que outorga a Generalitat de Cataluña. As vendas dos seus libros superan os doce millóns de exemplares. Viaxeiro incansable, romántico, sentimental e apaixonado, considérase a si mesmo un utópico posibilista e un namorado da palabra escrita e da liberdade que comporta.
En 2004 creou a Fundació Jordi Sierra i Fabra, en Barcelona, e a Fundación Taller de Letras Jordi Sierra i Fabra, en Medellín, Colombia, como culminación de toda unha carreira e do seu compromiso ético e social. Desde entón concédese o premio que leva o seu nome a un novo escritor menor de dezaoito anos. En 2010, as súas fundacións recibiron o Premio IBBY- Asahi de Promoción da Lectura. En 2012 apareceu a revista literaria en liña, gratuíta, www.lapaginaescrita.com, dedicada a ensinar a escribir aos mozos, e editáronse as súas Memorias Literarias. En 2013 inaugurouse o Centro Cultural da súa Fundación en Barcelona e en 2015 recibiu a Medalla de Honra da súa cidade natal.
Máis información na web oficial do autor, www.sierraifabra.com
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. O sábado e o domingo desenvolverase un intenso programa de actividades pensadas para todos os públicos.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
Con ela pechouse a celebración das festas de Santa Isabel que, un ano máis, foi todo un éxito.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
