Lugo, 12 de novembro de 2019. O Presidente da Deputación de Lugo, José Tomé Roca, acompañado da tenente de alcalde de Monforte, Gloria Mª Prado, recibiu este martes no Pazo de San Marcos ao piloto de motos Eduardo Iglesias. O deportista portará a imaxe da marca turística Lugo Cambia creada pola institución provincial na competición do Rally Dakar na próxima edición, que se celebrará en xaneiro de 2020 en Arabia Saudita.
Durante a presentación desta colaboración da Deputación co piloto, por importe de 10.000€, Tomé Roca destacou a gran visibilidade que lle dá a provincia a participación de Iglesias nesta cita deportiva de proxección internacional, con mil millóns de espectadores potenciais a través da súa retransmisión nunhas 70 canles de televisión que se emiten en 190 países de todo o mundo. “Eduardo Iglesias será embaixador de Lugo Cambia, o que significa que temos por diante unha oportunidade excepcional, pois a nosa imaxe estará no foco de todos os competidores, dos equipos, dos afeccionados e dos medios de comunicación chegados de todas as partes do mundo”, sinalou o Presidente. Engadiu, ademais, que “el é o primeiro galego que nos represente no Rally Dakar na modalidade de motos, un feito que é un orgullo para toda a cidadanía”.
Nas palabras que lle dedicou, o Presidente da Deputación recalcou a importancia promocional e turística de apoiar ao piloto monfortino nun evento de proxección e recoñecido prestixio internacional coma este. “Debemos aproveitar este escenario idóneo para que se fixen en Lugo, porque temos un dos territorios máis ricos en patrimonio cultural, gastronómico e natural e temos que facerllo ver ao mundo” , explicou.
O piloto Eduardo Iglesias destacou a relevancia que ten para el que a Deputación de Lugo apoie a súa participación no campionato. “Sen apoios así non poderíamos estar en Arabia Saudita competindo, así que tentaremos volver cunha medalla desta competición que para min é un soño feito realidade”, asegurou.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
