Burela, 13 de decembro de 2019. A Consellería do Mar concedeu unha achega de 325.000 euros para apoiar a actividade que desenvolve a Organización de Produtores Pesqueiros de Lugo (OPP-07) con sede en Burela. Ambas partes mantiveron unha xuntanza para valorar as liñas de colaboración que están a desenvolver en relación coa preparación e aplicación dos plans de produción e comercialización do peixe que chega á lonxa burelá.
Na reunión participaron o delegado territorial da Xunta en Lugo, José Manuel Balseiro; a directora xeral de Pesca, Acuicultura e Innovación Tecnolóxica, Mercedes Rodríguez; e o presidente da OPP, Juan José Otero Fernández, entre outros.
Balseiro explicou que esta medida de apoio ten periodicidade anual e impulsa accións de promoción e divulgación co obxectivo de ampliar o mercado para os produtos da lonxa burelá, especialmente o bonito do norte e a pescada do pincho. Ao mesmo tempo, tamén permite traballar na modernización da flota.
Os plans que guían a actuación da OPP inclúen encontros empresariais ou obradoiros científicos, para afondar nos coñecementos que melloran as técnicas de produción e comercialización; tamén favorece proxectos de introdución de novas tecnoloxías nos buques; e incide nas accións de comunicación para afianzar o peixe de Burela como un referente de calidade dentro e fóra da nosa comunidade.
As axudas da Xunta de Galicia poden destinarse a financiar tanto o propio funcionamento da organización como accións en beneficio do sector, sempre que estean recollidas no plan. Entre outros, son conceptos subvencionables os gastos de persoal, a contratación de empresas externas ou profesionais independentes, obras e adquisición de bens e subministracións, convenios de colaboración con organismos científicos e outras entidades, ou gastos derivados de feiras, congresos, cursos, reunións, xornadas ou eventos semellantes.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
