Burela, 31 de marzo de 2020. A unidade de prevención de riscos laborais desempeña un papel fundamental e imprescindible para facer fronte á crise polo COVID_19,pero ao mesmo tempo ten que atender outras actuacións principais para a seguridade esaúde do cadro de persoal alleas á situación actual.
Para a central nacionalista desde o SERGAS durante os últimos anos as unidades de PRL non foron potenciadas, mantendo unha dotación de persoal mínima para o seu correcto funcionamento e labores a desempeñar, sendo agora nesta emerxencia sanitaria onde se evidencia a escaseza de recursos humanos e materiais así como a vital importancia da prevención de riscos laborais para loitar contra o coronavirus.
Lembran que previamente ao comezo da emerxencia sanitariaa Unidade de Prevención de Riscos Laborais estaba dotada por unha médica do traballo, un enfermeiro especialista en enfermería do traballo e un técnico en prevención de riscos laborais.
Agora, en plena crise polo coronavirus o Hospital da Mariña dispón de menos recursos humanos neste servizo fundamental, denuncian.
O Hospital da Mariña atópase sen médica do traballo, xa que única profesional do centro foi desprazada ao Lucus Augusti.
Queda en evidencia unha vez máis que o noso centro hospitalario e a seguridade e saúde do cadro de persoal é secundario para quen dirixe a nosa sanidade desde Lugo cidade, ao dirixir os xa de por si escasos recursos humanos dispoñibles ao HULA, imposibilitando así desenvolver as funcións propias no centro mariñao.
A medicina do traballo é fundamental para desenvolver as funcións clínico-asistenciais así como as orientadas cara á prevención das enfermidades profesionais e as relacionadas co traballo, así como a promoción da saúde dos traballadores e traballadoras.
Así mesmo, só dispoñemos dun enfermeiro do traballo e dun só Técnico en Prevención de Riscos Laborais, claramente insuficientes e desbordados polas tarefas para afrontar esta crise,ás que teñen que sumar as habituais: accidentes laborais, recoñecementos médicos, embarazos, violencia interna e externa, bioseguridade etc
Aos labores habituais, debido a emerxencia sanitaria actual, deben avaliar a presenza de persoal traballador especialmente sensibleen relación á infección de coronavirus SARS-CoV‐2, establecer a natureza de especial sensibilidade da persoa traballadora e emitir informe sobre as medidas de prevención, adaptación e protección que permitan realizar o traballo sen elevar o risco propio da condición de saúde da persoa traballadora.
Tamén deben realizar o seguimento dos contactos casuaisdo cadro de persoal con casos posibles, probables ou confirmados de COVID‐19.
A todo iso súmase a información e formaciónen todas as unidades do hospital, dunha combinación de todas as medidas preventivas, non só Equipos de Protección Individual (EPI), para proporcionar un grao adicional de protección.
É evidente que nunha situación de emerxencia con menos recursos humanos que durante o resto do ano non se pode facer máis, a pesar do sobreesforzo destes profesionais que dan todo e máis cada día para garantir a seguridade do cadro de persoal, denuncian desde CIG Saúde A Mariña.
O sindicato nacionalista tampouco esquece o Servizo de Medicina Preventiva, outro servizo fundamental no manexo desta crise, un servizo que habitualmente realiza actividades de atención individual e colectiva, no ámbito da medicina preventiva e da saúde pública, cunhas funcións orientadas principalmente á vixilancia epidemiolóxica de infeccións nosocomiais así como a prevención da enfermidade e promoción da saúde.
O Hospital da Mariña só conta cun médico preventivista e unha enfermeira na unidade, claramente insuficientes para ocontrol e seguimento ante a epidemia do coronavirus.
REFORZO DA UNIDADE DE PREVENCIÓN DE RISCOS LABORAIS.
Ante a preocupante situaciónno Hospital da Mariña polo gran número de persoas do cadro de persoal contaxiadas, cumpre aumentar e non recortar todas as ferramentas humanas e materiais preventivas, claramente insuficientes pola situación actual a pesar do gran esforzo diario que desenrolan os profesionais de ditas unidades, para así garantir a seguridade e a saúde das traballadoras e traballadores e tamén dos usuarios e usuarias, explican.
Por todo o anterior desde CIG Saúde A Mariña esixen ao SERGAS o reforzo da unidade de PRL, pero tamén a de Medicina Preventiva, con persoal médico, de enfermería, técnico e administrativo para abordar en colaboración e coordinación esta emerxencia sanitaria no Hospital da Mariña.
Sempre, pero máis na situación actual, a Prevención de Riscos Laborais é fundamental polo mero feito de que a súa implantación e a correcta execución da mesma axuda a eliminar accidentes de traballo e enfermidades profesionais, facilita o traballo en condicións seguras, permite o cumprimento das normas vixentes e mellora a xestión da crise sanitaria, conclúen.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
