Ribadeo, a 1 de abril de 2020. “Ante a aparición do coronavirus, é necesario adoptar medidas de inmediato”, segundo manifesta o voceiro do Grupo Municipal Popular de Ribadeo, Daniel Vega. De feito, o popular defende a conveniencia de adoptar tanto medidas sanitarias coma económicas tal e como demanda o comercio local ribadense.
Vega recolle as demandas de Acisa Ribadeo que lle piden ás distintas administracións “a adopción de medidas económicas para paliar os efectos negativos derivados da paralización da súa actividade por mor do estado de alarma decretado co obxectivo de frear o avance da pandemia do coronavirus”. Así, o popular propón, nese sentido, tres medidas en relación á praza de abastos, ás taxas das licencias municipais de obra e á supresión temporal das taxas das escolas deportivas e da escola de música.
“Todos sabemos que a praza de abastos de Ribadeo continúa aberta, pero as súas vendas diminuíron moito. Por iso pedimos a eliminación temporal da taxa que lle pagan ao Concello polo alugueiro dos seus locais como medidas de apoio á economía local e, á súa vez, aos produtos de proximidade”.
Por outra banda, Vega explica que “dende o Grupo Municipal Popular pedimos ao Concello que non cobre de novo as taxas das licencias de obra se fora preciso renovalas porque cheguen a caducar; xa que unha das últimas medidas aprobadas polo Goberno central supuxo a paralización temporal da actividade de certas empresas como poden ser as da construción”.
Así mesmo, o voceiro do PP ribadense considera razoable e adecuado “non cobrar ás familias as taxas correspondentes ao período no que non se están a impartir clases nas escolas deportivas e na escola de música”. O popular defende que “así se axuda directamente ás familias”.
Vega explica que se trata de “propostas moi concretas e moi necesarias que estamos dispostos a pactar cos distintos grupos políticos da corporación ribadense e dos que agardamos resposta”, conclúe.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
