A Coruña, 22 de maio. O voceiro de Galicia en Común-Anova Mareas, Antón Gómez Reino, vén de denunciar hoxe a total indignidade e oportunismo político da Xunta do PP de Alberto Núñez Feijóo nunha carreira indisimulada para procurar rédito político a costa dunha pandemia que non axudaron a conter mentres abonaban o terreo para convocar eleccións en xullo sen garantías sanitarias nin democráticas.
“É absolutamente inmoral que a Xunta de Feijóo pretenda sacar tallada política dunha pandemia que non axudou a minorar, cando en lugar de exercer as súas competencias nestes 68 días de estado de alarma, estiveron aboando o seu terreo electoral e pretendendo enganar á cidadanía coa súa maquinaria de propaganda para facer pasar por propias as medidas de contención da pandemia e o escudo social implementando polo Goberno de coalición do Estado”, sinalou o portavoz.
Desde Galicia en Común-Anova Mareas trasladamos a nosa preocupación pola absoluta falla de información por parte da Xunta sobre un proceso electoral xa convocado para o 12 de xullo que carece de procedimentos, como si trasladou o Goberno vasco á oposición, para tratar de garantir os mínimos democráticos e a saúde das galegas e galegos.
“Case unha semana despois da convocatoria electoral seguimos sen ter información por parte do señor Feijóo, nin unhas mínimas garantías democráticas e sanitarias. Este é o modus operandi, a altura moral do presidente dos galegos e do PP: as siglas, unha vez mais, por riba da saúde”, manifestou Gómez Reino.
“É obvio que Feijóo ven de iniciar a precampaña do PP, xa perfectamente preparada mentres a cidadanía galega afrontaba un longo confinamento, e reaparece esta semana logo de anunciar eleccións en Curtis e Sarria baixo o paraugas da Xunta para anunciar, agora si, algunhas das medidas que desde Galicia en Común lle levamos case dous meses esixindo para axudar a minorar as consecuencias da pandemia.
No concreto, Gómez Reino referíase a unha batería de propostas de impulso aos sectores primarios do país que a coalición ven solicitando desde o 4 de abril e que lle foran trasladadas ao Goberno galego xunto coas propostas para rescatar o pequeno comercio e turismo, políticas sociais e de vivenda, ou de apoio aos autónomos e a cultura.
“Hai semanas que o vimos dicindo. Feijóo está aliñado na estratexia de Casado, Ayuso e Abascal, quen ven de manifestar que se ofrece como muleta de Feijóo nun hipotético goberno das extremas dereitas en Galicia”, reiteraba Gómez Reino. “Unha vez que as convoca, Feijóo, interino e en funcións, que teña a decencia de dicirnos como pensa facer para garantir a saúde e os dereitos das galegas e galegos”.
“Fronte ás políticas de austericidio, de destrución do público das dereitas extremas desta última década, o próximo Goberno galego será, si ou si, de coalición do conxunto de forzas progresistas, para transformar o país, avanzou o portavoz da coalición. “Traballar, entre todas, para construír un futuro diferente cun goberno que goberne para non deixar a ninguén atrás”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
