Castro de Rei, 30 xuño de 2020. Luís Álvarez, candidato ás eleccións autonómicas pola provincia de Lugo denunciou hoxe, un novo atropelo do goberno do PP, co peche do centro de saúde de Castro de Rei. “A crise do COVID puxo de manifesto o abandono e as graves carencias da atención primaria que existen nos centros de saúde da provincia, e hoxe evidenciámolo aquí neste centro de Castro, onde tiñan que estar traballando un médico e un ATS, o ambulatorio está pechado”.
Álvarez, acompañado das candidatos Rosanna Rielo e Carmen Álvarez, o secretario de organización do PSdeG-PSOE na provincia, Juan Jose Díaz Valiño e o Deputado, Javier Cerqueiro, mantiveron unha xuntanza de traballo cos membros da Agrupación Socialista da vila que encabeza, Jose Luís Castro Tellado e cos veciños, na que denunciaron a política de recortes do PP nos centros de atención primaria da provincia de Lugo.
“Estes días coñeciamos o peche doutro centro sanitario aquí nesta provincia, concretamente en Parga, onde se atendía a 1.500 pacientes e agora son consultados en Guitiriz como xa denunciamos. Esta é unha nova demostración do que está pasando coa sanidade pública en Galicia, e agora repítese en Castro de Rei. A sanidade do PP inclúe recortes, privatizacións e abandono ”, insistiu Álvarez.
O candidato as eleccións autonómicas explicou que “cun Presidente Socialista na Xunta de Galicia a sanidade pública será a bandeira de referencia do goberno progresista que saia das próximas eleccións autonómicas. Defendemos e abandeiramos unha sanidade pública, universal e gratuíta, fronte aos recortes de Feijóo. O PP xa demostrou nestes 11 anos que non ten proxecto e que ten esgotado o seu tempo político en Galicia. Hai que apostar pola Atención Primaria, e polo mantemento de servizos nos hospitais comarcais. Por iso o 12X é necesario frear a dereita, non queremos máis recortes”, resumiu.
Os veciños de Castro de Rei están sofrindo os recortes de Feijóo
Castro Tellado dixo que as veciñas e veciños de Castro de Rei “están sofrindo as consecuencias directas dos recortes que impulsa o Goberno de Feijóo e o PP. Por iso quero que a veciñanza saiba que estamos a carón de todos eles e que nos mobilizaremos ata onde faga falta para que este centro se volva abrir, con tódalas garantías sanitarias. Xa que estamos na nova normalidade, o lóxico seria que o centro volvera a abrir”, espetou.
O Grupo Socialista reclaman ademais “que as veciñas e veciños poidan realizar analíticas neste centro unha vez á semana, xa que non ten sentido que o ATS traballe aquí, e non realice estas probas”.
“Por iso o 12X temos a oportunidade de demostrarlle ao PP que non estamos dacordo co peche do centro de saúde de Castro de Rei. O PSdeG está comprometido coas políticas de benestar, a defensa dos servizos públicos e unha nova política económica que non deixe a ninguén atrás”, explicou.
Ampla implicación veciñal
Esta denuncia da Agrupación Socialista de Castro de Rei foi respaldada por un amplo numero de veciños da vila, que se senten desprotexidos por esta decisión de recortes de persoal do PP e do peche do centro de saúde.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
