CERVO .- O alcalde de Cervo, Alfonso Villares, xestiona coa Xunta de Galicia “para posibilitar a chegada de novos asentamentos empresariais no parque empresarial de Cuíña”.
Nota de Prensa
O CONCELLO TRABALLA PARA SITUAR EMPRESAS NO POLÍGONO DE CUÍÑA
Cervo, 5 Maio de 2010.- O alcalde de Cervo, Alfonso Villares, indicou no día de hoxe que o Goberno local está a traballar coa Xunta de Galicia para posibilitar a chegada de novos asentamentos empresariais no parque empresarial de Cuíña.
O rexedor cervense fixo estas declaracións no transcurso do acto oficial de entrega por parte da delegada territorial da Xunta de Galicia, Raquel Arias, das obras de aparcamentos e acondicionamento da zona deportiva e dotacional levados adiante pola empresa Xestur nesta área empresarial cervense. Villares asegurou que esta actuación será “moi positiva” para os intereses do conxunto de veciños do Concello de Cervo e agradeceu á delegada territorial “e por extensión á Xunta de Galicia” a boa predisposición do executivo galego para posibilitar que os traballos se desenvolveran a un bo ritmo “e polo importante investimento feito no noso municipio porque demostra o compromiso do actual Goberno galego cos cervenses”.
O rexedor fixo fincapé na necesidade de incidir en políticas tendentes a loitar contra a crise actual “e para iso estamos a traballar ombro con ombro coa Xunta de Galicia en todos aqueles aspectos que posibiliten a implantación de novas empresas no noso polígono industrial”. Villares adiantou que está a manter contacto con distintas empresas interesadas en asentarse nesta área industrial “e posibilitar deste xeito que estes proxectos empresariais podan enraizar no noso concello, porque isto significará a xeración de postos de traballo e de riqueza para Cervo, algo que agora mesmo é o que necesita a nosa sociedade e a nosa xente” recalcou Villares.
Obras Polígono
O custo destas actuacións recepcionadas no día de hoxe polo Concello de Cervo ascende a preto de 200.000 euros. Esta cantidade foi destinada á construción dunha pista de pádel, urbanización unha explanada para aparcamentos, e acondicionamento en xeneral da parcela de equipamento deportivo, incluíndo un sendeiro peonil que une ambas zonas.
Así mesmo, construíronse preto de 1,8 quilómetros de viais e tamén se cede ao concello un solar que deberá destinar a usos sociais. Esta parcela ten unha superficie de 11.250 metros cadrados, mentres que o espazo dedicado a equipamento deportivo ascende a 14.500 metros cadrados.
O parque de Cuiña é un dos oito polígonos empresariais construídos por Xestur na Mariña luguesa. Mide máis de 578 mil metros cadrados e supuxo un investimento superior aos 3,6 millóns de euros.
Curso de ebanistería
O alcalde de Cervo acompañou á delegada territorial na súa visita aos alumnos e alumnas do curso de formación ocupacional de ebanistería que se esta a desenvolver nas dependencias das antigas fábricas do complexo metalúrxico e na Casa da Administración de Sargadelos.
Esta actividade formativa, dirixida a traballadores desempregados, está financiada pola Consellería de Traballo e Benestar e organizada e impartida polo Centro de Formación Profesional Ocupacional de Viveiro. O orzamento ascende a 115.000 euros.
No curso participan 15 persoas, que completarán 825 horas de formación teórico-práctica en módulos formativos como a elaboración de planos de carpintería e mobles, mecanizado de elementos de madeira y taboleiros, ensamblado de mobles, composicións de chapa e marquetería ou elaboración de presupostos e xestión de compras.
Os alumnos deben seguir tamén dous módulos transversais sobre prevención de riscos e cuestións medioambientais.
O Centro de Formación Ocupacional de Viveiro organiza esta actividade con carácter itinerante, cada ano nunha localidade distinta en colaboración co concello, sendo esta a primeira edición que se imparte en Cervo. Os asistentes que rematen o curso con éxito obterán o certificado profesional de ebanista.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
