Santiago, 10 de novembro , 2020. O BNG demandou hoxe na Cámara galega, a través dunha moción defendida polo deputado Luís Bará, que o Estado e a Xunta transfiran “fondos extraordinarios” para que os concellos poidan facer fronte aos gastos derivados da COVID-19.
Na súa intervención, o parlamentario lembrou que os concellos galegos están a asumir máis competencias e gastos a pesar de non contar con fondos suficientes para facerlle fronte e mentres tanto, o Goberno central e a Xunta dispoñen de fondos extraordinarios da Unión Europea ou ben pola vía de endebedamento. A maiores, a Xunta traslada competencias aos concellos con gastos extraordinarios para limpeza e desinfección dos colexios.
Madrid nos rouba
Bará lembrou que os concellos galegos deixaron de ingresar 2.000M€ dende o ano 2004 e 50 euros menos por habitante ao ano, a respecto da media do Estado. Nesta liña, afirmou que “todos os grupos políticos defenden un cambio deste “sistema discriminatorio e inxusto con Galiza” pero cando goberna en Madrid o PP ou o PSOE “non fan nada por cambialo”. Para o deputado nacionalista, un novo sistema de financiación debe priorizar o criterio de poboación, dispersión xeográfica e envellecemento. Estas circunstancias, asegura Bará, inflúen no gasto da prestación de servizos e en Galiza rexistrase case a metade dos núcleos de poboación do Estado, 30.240 de 61.707 e “Madrid nos rouba” sentenciou.
Os concellos do PP beneficiados no reparto de fondos
Bará solicitou canalizar a través do Fondo de Cooperación local a participación dos concellos nos ingresos da Xunta e regular por lei o fondo e os criterios de reparto para acabar coa “distribución partidista dos recursos públicos”.
Os fondos que a Xunta destina aos concellos siguen tres vías, explicou o parlamentario do BNG: Fondo de Cooperación Local con 153,8M€ repartidos co mesmo criterio para todos, subvencións que poden ser en concorrencia competitiva (por valoración dos proxectos) ou por concorrencia non competitiva (por orde de chegada) e Convenios dos que “saen beneficiados o 90% dos concellos do Partido popular” como acontece cos da Deputación de Ourense. Dende o BNG reclamamos que se poña en marcha o acordo unánime dos grupos políticos que conforman a FEGAMP para que os fondos formen parte “dun único fondo distribuído con criterios obxectivos de reparto e iguais para todos”.
A transparencia debe rexir este reparto polo que é necesaria unha aplicación que reflicta as cantidades recibidas por cada concello e en que contías.
A pandemia afoga aos concellos que cada vez máis precisan dunha maior capacidade de gasto polo que apelou a facer uso dos remanentes e do superavit para acometer gastos sociais e investimentos. Os concellos deben ter acceso aos 700 millóns de euros retidos nos bancos.
Finalmente, o deputado reclamou derogar a Lei Montoro para eliminar os límites en materia de gasto público, endebedamento e contratación de persoal e conclúiu pedindo “equidade, transparencia e xustiza no reparto dos recursos”
O PP rexeitou todos os puntos da moción nacionalista recollidos no acordo da FEGAMP aprobando só o punto 8 relativo a demandar do goberno do Estado modificar a lexislación en materia de estabilidade financeira que afecta ás entidades locais (flexibilización da regra de gasto, regulación e límites do endebedamento local e outras cuestións relativas a esta normativa).
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
