Barreiros, 12 de maio de 2021. O Concello de Barreiros vén de instalar 30 novos colectores amarelos para o depósito de envases lixeiros ao longo de todo o núcleo municipal.
Segundo explica o edil de medio ambiente, Dámaso Ratoeira, con estes novos colectores preténdese facilitar a reciclaxe de residuos ás persoas con independencia de o de residan” e asegura que se “realizou un reforzo especial nas parroquias do rural para tratar de achegar a rede de reciclaxe á totalidade da poboación.”
Nos vindeiros días, a empresa encargada da recollida selectiva porá en marcha novas rutas para dar entrada aos puntos novos de reciclaxe polo que desde o Concello trasladan que “é posible que nos primeiros días poidan existir desfases na recollida que se irán solventando a medida que se adapten as rutas ao uso e ás necesidades de cada punto.”
Con esta ampliación, que inclúe a colocación de colectores amarelos en lugares como A Insua, A Rilleira, Morteiro, Val do Caínzo ou Ibia, preténdese dotar do servizo de recollida selectiva á maioría de lugares de poboación, especialmente nas parroquias do interior que carecían en moitos casos de colectores deste tipo, ao mesmo tempo que se reforzan nas parroquias costeiras.
“A pretensión é dar cobertura da recollida de residuos selectiva á maioría do concello, por iso creamos novos puntos que permitan mellorar a reciclaxe de residuos”, explica Ratoeira. O edil lembra tamén que “aínda que comumente se denomina o colector amarelo como “dos plásticos”, non calquera tipo de plástico vai ao amarelo; senón que debe usarse para depositar exclusivamente envases lixeiros de uso doméstico coma latas, bricks ou botellas de plásticos, pero nunca plásticos industriais coma os dos silos -para os que existe un servizo específico no punto limpo- ou outro tipo de obxectos coma xoguetes.”
Esta ampliación da rede de colectores amarelos súmase á colocación de novos colectores de reciclaxe de papel e cartón que se foron colocando en distintos puntos e renovando algúns dos existentes; así como a un novo colector de roupa usada colocado en San Miguel.
A finalidade da ampliación de puntos de reciclaxe responde á intencionalidade de ir reducindo a xeración de residuos e enmárcase dentro das campañas de concienciación ambiental que se están a realizar desde o consistorio.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
