Viveiro, 20 de decembro de 2021. José Luis Llano Murias, asturiano natural do municipio de Boal e afincado actualmente en Navia, é o gañador do certame fotográfico por Gráficas LAR, de Viveiro, para o seu calendario do ano 2022, que xa está editado. Nas anteriores edicións deste concurso o premio, de 300 euros en metálico, foi para fotógrafos de México, Bilbao e Alicante.
O inicio do Calendario LAR remóntase ao ano 2010 cunha variada galería do destacado fotoxornalista galego Xosé Abad. Nas súas primeiras edicións a autoría das fotos do calendario decidíase entre amigos e colaboradores da imprenta Gráficas LAR sen existir un certame. Desta forma participaron fotógrafos profesionais como Xulio Villarino (2011) e Jaime Pola (2017), afeccionados como José López (2012), Eugenio Álvarez (2013) e Dani KXT (2016) e mesmo houbo colaboracións coa asociación de fotógrafos afeccionados Os Negativos, de Viveiro (2014).
Os responsables de Gráficas LAR explican que “no ano 2017 celebrouse por primeira vez o certame fotográfico FOTOLAR, sendo nesta primeira edición dedicado á Natureza e con doce autores diferentes de todo o planeta. Pero a partir do ano 2018 optouse por un formato monográfico, onde un só fotógrafo debería ser o autor das doce fotos e baixo unha única temática determinada. Un exitoso formato onde cada ano participan unha media de medio centenar de fotógrafos de todo o mundo e cun premio de 300 euros en metálico, a autoría do mesmo e un lote de calendarios en formato parede e sobremesa. A selección das obras é sinxela e imparcial: cinco fotógrafos son elixidos pola dirección de Gráficas LAR para a súa valoración polo xurado, que está formado polos sete últimos autores do calendario que valorarán as cinco galerías baixo un simple e obxectivo sistema de puntuación, que ditamina o gañador do Concurso FOTOLAR”.
Os organizadores do certame engaden que “na primeira edición do concurso de fotografía FOTOLAR a temática proposta foi Viaxar e o premio viaxou ata México coa autoría de Eliud Gil Samaniego. No 2019 un calendario dedicado ao deporte coroou a Pedro Ajuriaguerra (Bilbao) e o pasado ano a Alfonso Bejar Manda (Alicante), cunha variada colección de imaxes de paisaxe urbana. Nesta última edición a autoría do calendario foise para terras próximas: José Luís Llano Murias, asturiano afincado en Navia e natural de Boal con doce preciosas imaxes de temática macro e enfocadas ao mundo da entomoloxía. Parabéns!”.
José Luis Llano, que ten 42 anos, é afeccionado á fotografía desde hai máis de 13, cando comprou a súa primeira cámara. É autodidacta e, respecto ao premio do Concurso Calendario FOTOLAR 2022, comenta: “supone mucha satisfacción. Yo soy un fotógrafo aficionado que no suelo participar demasiado en concursos y viendo además el nivel que había porque participaron fotógrafos de muchos países, incluso de Rusia, no me lo esperaba en absoluto y estoy muy satisfecho. En este caso me presenté porque un amigo de la zona de Viveiro me avisó de que la gente de Gráficas LAR convocaba este concurso de fotografía macro, que además a mí me gusta, y me animó a participar. Así lo hice y al final hubo suerte”.
Gráficas LAR anuncia que “o Concurso Calendario FOTOLAR 2023 comezará en marzo de 2022 e xa vos adiantamos a temática: fauna. Sen dúbida ofreceranos un sorprendente calendario co que esperamos adornar moitos fogares e oficinas”.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Faino despois de que esta semana aparecese vandalizada a lápida de Paulo Lopes nun acto que a entidade cualificou de racista e xenófobo. O colectivo expresou o seu apoio á familia e reclamou que se esclareza a orixe da agresión. A concentración terá lugar o luns 25 de maio, ás 20:00 horas, na praza do Concello de Burela, baixo o lema de apoio a Antonina Semedo e contra o racismo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
