Sete son as vitorias que acumula o Burela nesta tempada na que continúa primeiro na taboa sacando distancias ao Alcorcón que empata en Ourense
Burela, 5 de novembro, 2023. Esta tarde ás 18.00h no Pavillón Municipal Jara Carrillo de Alcantarilla xogábase a 8ª xornada da Primeira División Iberdrola FS, LBTL Futsal Alcantarilla – Pescados Rubén Burela FS. Despois dunha intensa semana con vitoria no pase de ronda da Copa da Raíña este mércores en Vista Alegre, o xoves pola noite viaxan a Alcantarilla nun longo traxecto que non será impedimento para impoñerse na cancha murciana, chegando ao descanso xa cun resultado 0-3, marcador moi aventaxado que permite ás de Julio Delgado traer os 3 puntos desta xornada cun resultado final de 0-5.
Na primeira parte comeza forte o Pescados Rubén cun gol dende a banda de Patricia no minuto 1 nunha contra aproveitando un bo pase de Emilly. No 7 Irene Samper continúa puntuando tras un pase de Dany nunha baixada de intensidade defensiva do LBTL que presionaba ao conxunto laranxa ata este momento. No minuto 12 cúmprese o 0-3 cun gol de Pao en propia meta que a remata sen querer tras unha contra na que Irene Samper tenta dar un pase a Noelia Montoro que esperaba no pau pero adiántase a xogadora do equipo murciano e métea nun intento de despexe.
Na segunda parte mantense o marcador ata o minuto 30 no que Rafinha a mete desde dentro da área tras un pase de Patricia que lle envía o balón desde a banda. Continúa dominando o balón o equipo mariñán. Tras varias oportunidades, entre elas un pase de Dany a Noelia Montoro que non chega ao remate e outro no minuto 36 de Emilly que soa ante a porteira lanza ao segundo pau pero vai fóra, comeza a presionar o LBTL con porteira xogadora. O Burela aguanta cunha moi boa defensa e chega o 0-5 final de Emilly a portería baleira.
A semana que vén partido en Vista Alegre, derbi galego ante o Marín Futsal.
Ficha Técnica LBTL Futsal Alcantarilla – Pescados Rubén Burela FS
LBTL Futsal Alcantarilla (0): Ana Romero; Blanca, Miriam, Riscos, Melli -quinteto inicial-, Mari, Iraia, Anita, Irene, Lydia, Pao.
Pescados Rubén Burela FS (5): Caridad; Cilene, Cami, Patricia, Emilly -quinteto inicial-, Dany (C), Antía Pérez, Irene Samper, Rafinha, Noelia Montoro, Jozi Oliveira (P)
Goles: 0-1, min.1 : Patricia. 0-2, min. 7: Irene Samper. 0-3, min. 12: Pao (PP). 0-4, min. 30: Rafinha. 0-5, min.39: Emilly.
Árbitros: Adrián Moniño, José Javier Navarro, Carlos Guzmán, José Otálora.
TA: Miriam.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
