Ribadeo, 23 de xullo, 2024. O BNG de Ribadeo reclámalle ao goberno municipal que saiba diferenciar planos á hora de felicitar a calquera veciño ou veciña que destaque polo mundo adiante: “non pode ser que un recoñecemento público cara a unha persoa derive nunha serie de comentarios de contido confesional. O concello de Ribadeo, como todas as institucións do estado, é aconfesional”.
“Nunha Europa na que predomina a aconfesionalidade, nun estado no que o artigo 16 da Constitución, que eles tanto defenden, afirma dito carácter aconfesional, os comentarios feitos polo goberno municipal de Ribadeo a respecto do nomeamento de Monseñor Antonio José Valín Valdés como bispo de Tui-Vigo, non son de recibo”.
“Pero que nos vai estrañar de quen con tanta desmesura dilapida o erario público? Do mesmo xeito que gasta diñeiro sen control, fai comentarios sen ter en conta todas as distintas sensibilidades e ignorando os principios básicos de convivencia democrática. Se Daniel Vega falase como un cidadán que se sinte católico, no seo da comunidade católica, empregando o taboleiro de anuncios de dita comunidade, poderían ter sentido os comentarios feitos por el e o seu goberno. Pero ditos comentarios aparecen nas redes sociais do Concello, pagadas por todos e todas nós, cidadáns e cidadás dun concello integrado nun estado aconfesional. O goberno municipal do PP, no canto de marcar distancias coa extrema dereita, aproveita a máis mínima ocasión para aparentar que, en certa medida, representa os valores máis rancios da España imperial que ostentaba baixo palio o seu poder”.
Desde o BNG de Ribadeo “cremos que se poden facer as cousas doutro xeito ben distinto. Felicitamos a Monseñor Antonio José Valín Valdés, ribadense de nación, pola súa incorporación aos labores como bispo na diócese de Tui-Vigo. Para alén do carácter confesional do cargo que ostenta, desde Ribadeo felicitámonos porque un veciño noso asuma altas responsabilidades e por iso lle desexamos o mellor dos acertos no seu labor. Ogallá saiba dar cabida ás preocupacións sociais que outros compañeiros de ministerio teñen manifestado. Ogallá saiba tamén dar pulo a novas iniciativas que se están a dar no seo da Igrexa católica para potenciar máis o uso da nosa lingua nos seus rituais”.
“Pero o BNG de Ribadeo, como tal organización política aconfesional que é, nunca usaría medios públicos para empregar unha linguaxe confesional, propia dunha parte da sociedade que, por moito respecto que nos poida suscitar, non pode suplantar á comunidade en xeral (xa se trate doutras confesións, ou simplemente se manifeste non confesional)”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
