O delegado territorial destacou a aposta do Goberno galego por “igualar as condicións do ensino en todo o territorio” con novas medidas organizativas e coas melloras que executa este ano en 112 centros da provincia por importe de 7,2 M€
Riotorto, 11 de setembro de 2024. O delegado territorial da Xunta en Lugo, Javier Arias, visitou neste primeiro día de curso o CEIP de Riotorto, onde finalizará proximamente a obra de rehabilitación integral que executa o Goberno galego cun orzamento preto de 520.000 euros.
Arias apuntou que no conxunto da provincia de Lugo retornan hoxe ás aulas 32.392 estudantes dos niveis de educación Infantil (5.387), Primaria (13.774), ESO (9.891), Bacharelato (3.270) e Educación Especial (70). No municipio de Riotorto incorpóranse 35 nenos e nenas de Infantil e Primaria.
Entre as novidades implantadas este ano para seguir mellorando a calidade da educación en Galicia, Arias destacou a baixada das rateos de alumnos por aula de 25 a 20 alumnos, o incremento no número de docentes e o reforzo das medidas de apoio ás familias.
Tamén fixo fincapé “na aposta do Goberno galego por igualar as condicións do ensino en todo o territorio”, o que se traduce en medidas como plan de modernización das infraestruturas educativas, que este ano ten en marcha 112 actuacións en colexios e institutos de Lugo cun investimento total que supera os 7,2 millóns de euros.
Unha das máis destacadas é a reforma que se acomete no CEIP de Riotorto, que está previsto que remate a finais de outubro. O ritmo das obras intensificouse no verán, de xeito que xa están completados os traballos interiores de construción de falsos teitos, pintura e instalación de iluminación LED.
A renovación da cuberta tamén está practicamente finalizada – a falta de colocar un canlón – e agora estase a traballar no illamento polo exterior cun sistema tipo SATE e na instalación da caldeira de biomasa que substituirá á antiga de gasóleo. Arias destacou que os traballos que quedan son compatibles co normal desenvolvemento das clases. “ Despois desta intervención as instalacións serán máis confortables e sostibles, xa que se acadará un notable aforro enerxético”, apuntou.
Inicio do curso no CFEA Pedro Murias de Ribadeo
O delegado tamén participou na apertura do curso dos dous ciclos de Formación Profesional Dual Intensiva que imparte o Centro de Formación e Experimentación Agroforestal Pedro Murias de Ribadeo.
Este ano o centro conta co grao medio de Produción Agroecolóxica e o de Aproveitamento e Conservación do Medio Natural. As clases xa comezaron en ambos e o prazo de matrícula continúa aberto.
Arias destacou as altas taxas de empregabilidade da FP dual, en especial a modalidade intensiva, na que os estudantes reciben formación teórica no centro educativo e práctica -remunerada- nun centro de traballo. Isto favorece a súa inserción laboral, xa que adquiren experiencia previa.
No caso do CFEA Pedro Murias, hai 22 empresas adheridas ao convenio para realizar as prácticas do ciclo de Produción Agroecolóxica e 11 no ciclo de Aproveitamento e Conservación do Medio Natural.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
