Os concelleiros do Partido Popular votaron en contra desta medida que “afecta directamente ao peto dos laurentinos”
Lourenzá, 14 de novembro de 2024. O PP de Lourenzá advirte aos veciños e veciñas da subida de impostos e taxas municipais -concretamente, da contribución (IBI) e da auga- aprobada hoxe en solitario polo goberno local do PSOE.
Deste xeito, o Concello aplicará nos recibos do vindeiro ano unha suba de entorno a un 25%; xa que “o IBI sube máis dun 27% e a auga máis dun 24%”. Os concelleiros do PP votaron en contra desta medida.
Os populares afean a “falta de traballo e de previsión do goberno socialista” que deriva “nesta subida que afectará directamente aos petos dos laurentinos”. Ademais critican que “a subida se aplique de forma abrupta” en lugar de “teren revisado os tipos impositivos e as taxas con máis frecuencia, no caso de estar xustificado”.
Os concelleiros do Grupo Municipal Popular tamén advertiron durante o pleno que o tipo impositivo do Imposto de Bens Inmobles -coñecido como contribución- supera a media dos concellos da comarca que se sitúa nun 0,55% para a urbana e 0,57% para a rústica. O Concello de Lourenzá pasará a cobrar o 0,70% do valor catastral de inmobles tanto urbanos coma rústicos.
O PP laurentino bota en falta, por outra banda, bonificacións nestes impostos e taxas en beneficio das familias numerosas ou persoas con menos recursos ou outras dirixidas a favorecer o asentamento de actividades empresariais como, por exemplo, as vinculadas ao turismo ou o Camiño de Santiago. As bonificacións do 95% aplícanse á actividade agrícola e ás actividades económicas, “pero só no caso de que fomenten o emprego”. Nese sentido, cren que “sería positivo bonificar estes e outros impostos e taxas para fomentar a implantación de empresas de diversos sectores para tratar de xerar novas oportunidades e contribuír a asentar poboación”.
UN GOBERNO SEN PREVISIÓN
Os populares sinalan que “nesta ocasión a alcaldesa adiantou a celebración do Pleno para que a subida destas taxas se poida aplicar xa no vindeiro ano 2025”. É, polo tanto, “un exemplo máis de que as cousas se fan ás présas, no último momento e sen previsión”.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
