A Mariña, 18 de novembro de 2024. AMODO, Conversas arredor da gastronomía na Mariña é un encontro vinculado á gastronomía, organizado pola Mancomunidade de Concellos da Mariña Lucense coa colaboración, na secretaría técnica, de Jorge Guitián e Anna Mayer -profesionais no ámbito de proxectos gastronómicos- e do Colectivo de Gastronomía da Mariña.
Este evento nace do Plan Director de Turismo Gastronómico da Mariña, presentado o pasado mes de xuño en Viveiro, no contexto do Plan de Sostibilidade Turística na Mariña Lucense que xestiona a Mancomunidade, e que está cofinanciado entre esta entidade, a Xunta de Galicia e a Secretaría de Estado de Turismo.
A presidenta da Mancomunidade de Concellos da Mariña, Rocío López, subliñou que “o obxectivo desta convocatoria é posicionar ao territorio da Mariña como un espazo creativo e innovador que reflexiona sobre a súa realidade gastronómica, así como reforzar a gastronomía como un eixo fundamental da imaxe de marca do destino”.
López contou que “as conversas, que terán lugar entre o 1 e o 3 de decembro, agrupan dúas propostas diferenciadas e transversais. Haberá unha xornada de sesións abertas ao público. O 2 de decembro, entre as 9:00 e as 17:30 horas, no Auditorio da Fábrica de Sargadelos, en Cervo, está programada a realización de dúas sesións de conferencias e unha mesa redonda. Os temas a tratar céntranse na influencia da gastronomía na imaxe do destino, a gastronomía desde unha perspectiva cultural e sobre proxectos gastronómicos afíns”.
Para abordalas, contarase coa participación de destacados profesionais do panorama da gastronomía e do turismo gastronómico de España como David Mora, director do master de Turismo Gastronómico do Basque Culinary Center, de San Sebastián; Pep Palau, fundador de Galicia Fórum Gastrómico e de Barcelona Fórum Gastronómic; a escritora Claudia Polo; a xornalista Rosa Molinero; a xornalista e docente Yanet Acosta, directora de The Foodie Studies; as cociñeiras María Solivellas (Ca Na Toneta, Mallorca. 1 estrela verde na Guía Michelin) e Lucía Freitas (A Tafona, Santiago de Compostela. 1 estrela Michelin); Lluis Nel, xestor de proxectos gastronómicos en Asturias ou Pepe Ferrer, embaixador gastronómico do Consello Regulador da D.O. Vinos de Jerez.
A xornada do luns rematará coa entrega do I Premio Merlín na Casa Museo de Álvaro Cunqueiro, en Mondoñedo, co que se recoñecerá un proxecto gastronómico destacado que se fará público no propio acto.
A presidenta da Mancomunidade contou que “paralelamente, durante os tres días que dura o evento, terá lugar un press-trip para o recoñecemento do territorio por parte dos profesionais e de periodistas especializados convidados, con visitas a diversos atractivos do destino e a unha mostra da gran diversidade de axentes e produtos da cadea de valor que existen no ecosistema gastronómico da Mariña, así como a divulgación do Colectivo Gastronómico da Mariña recentemente creado”.
AMODO contará coa participación de máis de 15 medios de comunicación especializados de primeiro nivel do ámbito galego e estatal. A xornada do día 2, no Auditorio de Sargadelos, estará aberta ao público ata completar aforo e non é precisa inscrición previa.
Mais información sobre esta actividade no seguinte enlace: https://amarinalucense.gal/es/noticias/amodo-conversas-arredor-da-gastronomia-na-marina
PROGRAMA
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
