Nota de prensa:
O GMPP: “o alcalde e a FEGAMP, únicos responsables dos retrasos no cobro das aportacións da Xunta para a UAD”.
Os populares aseguran que a FEGAMP asinou os convenios e tiña a obriga de tramitar as xustificacións pertinentes.
Consideran que o alcalde non pinta nada nos órganos directivos da FEGAMP e segue buscando enfrontamentos coa Xunta.
O Grupo Municipal do Partido Popular (GMPP) de Burela asegurou hoxe que o alcalde e a Federación Galega de Municipios e Provincias (FEGMP) son os únicos responsables dos retrasos no cobro das aportacións da Xunta de Galicia á Unidade de Atención ás Drogodependencias (UAD). O alcalde de Burela tiña manifestado nas últimas semanas o seu enfado coa Xunta por tales retrasos, chegando a culpar directamente á Xunta de que o concello tivese que financiar o funcionamento da UAD.
Pois ben, os populares aseguran que un escrito remitido pola FEGAMP o pasado día dezaoito de outubro, que tén o número 7.813 de rexistro de entrada no concello burelés do día dezanove, comunícalle ó concello que entra en vigor un “novo protocolo” para axilizar os pagos por parte da Xunta ós concellos que contan con UADs; deste xeito, será preciso remitir antes do día trinta de outubro a xustificación correspondente para poder percibir o primeiro pago, e antes do día trinta de novembro para poder percibir o segundo pago. Pero fai constar explicitamente que as xustificacións serán remitidas directamente á Xunta, en vez de seren remitidas á FEGAMP.
Do escrito, dedúcese que foi a FEGAMP a institución que asinou o convenio coa Xunta para a financiación do funcionamento da UAD, e que era a FEGAMP a que tina que negociar e trasladar a documentación, cousa que polo que se ve non debeu facer de forma axeitada xa que se acorda “novo protocolo” que vai supoñer “unha importante millora”.
O texto íntegro é o seguinte:
“Seguindo instruccións do presidente da FEGAMP comprázome en comunicarlle que, froito das negociacións entre esta Federación e a Consellería de Sanidade, vimos de acordar um novo protocolo no circuito de documentación xustificativa dos pagamentos derivados dos convenios de prevención e atención de drogodependencias.
Deste xeito a devandita documentación xustificativa dos gastos ha de ser remitida directamente, e sen pasar pola FEGAMP, ao Servicio de Drogodependencias da Dirección Xeral de Saúde Pùblica e Planificación.
Esta remisión directa supón unha importante millora na xestión do convenio por canto acurta os prazos para a percepción das correspondentes achegas económicas e supón facer máis operativo o convenio.
Lembrámoslle que para poder recibir un primeiro pagamento parcial a documentación debe de estar remitida antes do 30 de outubro de 2010 e para un segundo e último pagamento parcial, ou pagamento final único, debe ser remitida antes do 30 de novembro de 2010”.
Polo tanto, as declaracións do alcalde só cabe encadralas dentro da mentira, buscando culpabilizar á Xunta dun procedemento que era responsabilidade única da Fegamp e buscando, polo tanto, enganar ós cidadáns e enfrontamentos coa Xunta. Ou ben encadralas dentro do descoñecemento dunha persoa que ainda estando en certos órganos da FEGAMP resulta que non se debe enterar de moito.
A financión que aporta a Xunta correspóndese coa totalidade do custo de funcionamento da UAD, incluidos os gastos de persoal, que este ano ascenderá a 217.000’00€.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
