A institución provincial acordou tamén achegar medio millón de euros á Fundación Terreo de Ribeira de Piquín, e a Cervantes, Lourenzá e Guitiriz para a mellora de infraestruturas, camiños, dotacións e equipamentos municipais
Lugo, 22 de novembro de 2024. A Xunta de Goberno da Deputación de Lugo aprobou este venres acordos e contratacións que servirán para ofrecer máis e mellores servizos á veciñanza por un investimento de case 2M€. Así o informou esta mañá a Voceira socialista do Goberno, Pilar García Porto, que detallou que entre eses acordos a Deputación sacou adiante o convenio anual de colaboración coa Universidade de Santiago de Compostela (USC) para potenciar o campus lucense. Un acordo polo que a institución provincial achegará 370.500€ á USC “para impulsar a excelencia formativa e afianzar o carácter universitario da provincia”.
“Un convenio que servirá para financiar diferentes actividades de todo tipo, que contribuirán ao reforzo de institutos e centros de investigación; mellorar infraestruturas docentes; facer divulgación científica a través de cursos, congresos e seminarios; e tamén para outras cuestións como promocionar as titulacións do Campus de Lugo”, exemplificou a Deputada.
Enmarcou esta colaboración no apoio da Deputación de Lugo “na educación pública, universal e de calidade, como ferramenta para garantir a igualdade de oportunidades” e lembrou que a institución provincial impulsou a creación do Campus Terra e apoia os seus intereses e a súa actividade “ano tras ano”, “convencidos de que o noso Campus é un dos grandes motores da provincia: pola propia actividade que xera a comunidade educativa na economía local; e pola transferencia de coñecemento e innovación ó tecido produtivo”.
En materia de colaboracións, informou que a Xunta de Goberno deu tamén luz verde a outras catro colaboracións con concellos e entidades da provincia por medio millón de euros.
Infraestruturas, camiños, dotacións e equipamentos municipais
A Deputación achegará a Cervantes 111.000€ para o acondicionamento de camiños nas aldeas de Piornedo e Riamonte de Arriba e tamén nas parroquias de Vilarello, Santalla, Vilasante e Vilaspasantes. Ademais, gracias a este investimento, a institución provincial financiará a compra de catro quentadores para o polideportivo no que se realizan eventos importantes para o municipio, como as feiras de artesanía, a degustación da tenreira ou a festa dos maiores.O Concello achegará preto de 90.000€ para estas actuacións e así completar un orzamento conxunto de 200.000€.
Ademais, a Deputación investirá 113.000€ na Fundación Terreo, de Ribeira de Piquín, para a adquisición de maquinaria, instalacións e obras que melloren a produtividade das súas actividades agrícolas, acuícolas e gandeiras. Entre outras actuacións, grazas a esta achega da institución provincial -que completa a Fundación Terreo con outros 2.165€- poderase construír un tanque para a piscifactoría; adquirir un vehículo frigorífico, ou unha fresadora.
En Lourenzá, a achega da institución provincial acadará os 111.000€ e servirá para mellorar a nave municipal do recinto feiral Ponte de Cuñas. Grazas a esta actuación, para a que o Concello mariñán achegará outros 25.000€, acondicionarase esta dotación para convertela nun centro multiusos. As obras a financiar con esta colaboración serán a substitución da cuberta e o tapiado dos frontóns da edificación.
En Guitiriz, a Deputación colaborará con 143.000€ para unha decena de actuacións. Mellorar a drenaxe e camiños nas parroquias de Roca, Buriz e Becín; acondicionar o espazo destinado a almacén no campo de fútbol de Suso de Cruz ou mellorar a explanada destinada a aparcamento no de Noreña Basanta en Parga son algunhas das obras que abordaremos con ese investimento.
Contratos para diferentes servizos provinciais
A Xunta de Goberno licitou ademais, por preto de 77.000€, o mantemento por un ano da aplicación que utiliza o servizo de recadación da Deputación para a xestión tributaria, a contabilidade e contas da institución provincial.
Ademais, adxudicou un contrato por dous anos e por preto de 300.000€, para seguir avanzado na ciberseguridade da institución. Un servizo de oficina técnica que prestará Telefónica Soluciones de Informática y Comunicaciones de España SAU por un período de dous anos con posibilidade de prorrogar por un ano máis e que suporá tamén adaptar os procesos actuais á normativa do Esquema Nacional de Seguridade.
E xa por último, quedou adxudicado o contrato, por 23 meses e máis de 774.000€, para a subministración de combustibles para o Parque Móbil. A adxudicataria é a empresa SOLRED SA, que ofertou un desconto do 17,9%. Este contrato entrará en vigor o próximo mes de decembro e rematará en novembro do 2026.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
